సాహోలో ప్రభాస్ జోడీగా అనుష్క ఫిక్స్

బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ చేస్తున్న సాహో రెగ్యులర్ షూటింగ్ మొదలయింది. డైరక్టర్ సుజీత్ దర్శకత్వంలో, యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ మూవీ లో హీరోయిన్ ఎవరనేది ? కొంతకాలంగా ఆసక్తికరంగా మారింది. మొదట్లో  కన్నడ బ్యూటీ రష్మిక మందనా నటిస్తున్నట్లు  వార్తలు వచ్చాయి. తర్వాత బాలీవుడ్ హీరోయిన్స్ దీపికా పదుకునే, పరిణీతి చోప్రా పేర్లు ప్రచారంలోకి వచ్చాయి. తాజాగా అనుష్క ఖరారు అయినట్లు తెలిసింది. ‘బిల్లా’, ‘మిర్చి’, ‘బాహుబలి’లో జంటగా కనిపించి అభిమానులను అలరించిన ఈ జంట మళ్ళీ వెండితెరపై హంగామా చేయనుంది.

సాహో సినిమాలో అనుష్కను ప్రభాస్‌ సరసన తీసుకున్నట్లు సినీ క్రిటిక్ రమేశ్‌ బాలా కొన్ని క్షణాల క్రితం ట్వీట్‌ చేశారు. అయితే దీనిపై చిత్ర బృందం నుంచి అధికారిక ప్రకటన ఇంకా రాలేదు. అనుష్క బాహుబలి తర్వాత యూవీ క్రియేషన్స్ బ్యానర్ పై భాగమతి సినిమాను చేస్తోంది. ఇతర ఏ చిత్రానికి సైన్ చేయలేదు. సో భాగమతి తర్వాత సాహోలో నటిస్తున్నట్లు అనే వార్త వంద శాతం నిజమని సినీ విశ్లేషకులు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.