తోటి హీరోని ప్రసంశలతో ముంచెత్తిన అనుష్క

స్వీటీ అనుష్క చిత్ర పరిశ్రమలోకి అడుగుపెట్టి పదకొండేళ్లు పూర్తిచేసుకుంది. హీరోయిన్లు నాలుగైదేళ్లు ఇండస్ట్రీలో ఉండడమే అరుదైపోతున్న ఈ సమయంలో నిత్యా విద్యార్థిలా కష్టపడుతూ పదేళ్లుగా టాప్ హీరోయిన్ గా దూసుకుపోతోంది. ప్రస్తుతం ఆమె దేవసేనగా నటించిన బాహుబలి విజయాన్ని ఆస్వాదిస్తూ భాగమతి సినిమా కోసం శ్రమిస్తోంది. అశోక్ దర్శకత్వంలో రూపొందుతున్న ఈ సినిమా షూటింగ్ ఇటీవలే పూర్తయింది. ఈ సినిమాలో కీలకపాత్రలో నటించిన మలయాళ నటుడు ఉన్ని ముకుందన్ పై అనుష్క ప్రశంసల వర్షం కురిపించింది. ‘భాగమతి షూటింగ్ పూర్తయింది. ఓ అద్భుతమైన సహా నటుడిగా, మంచి స్నేహితుడిగా ఉన్న ఉన్ని ముకుందన్ నీకు చాలా కృతజ్ఞతలు.

నీ నిరాడంబరత, ప్రతిభ, వ్యక్తిత్వం నిన్ను ఎప్పుడూ ఉన్నత స్థాయిలో ఉంచుతాయి. నీవు చేసే ప్రతి పనిలో నీకు విజయం, ఆనందం ఇవ్వాలని కోరుకుంటున్నాను’ అని చెప్పుకొచ్చింది. ఇప్పటివరకు అనుష్క ఎంతోమంది యువ, సీనియర్ హీరోలతో నటించింది. ఎవరినీ ఇంతలా ప్రశంసించలేదు. దీంతో ఈ విషయం టాలీవుడ్ హాట్ టాపిక్ అయింది. బాహుబలి తర్వాత అనుష్క చేస్తున్న ఏకైక సినిమా భాగమతి ఆగస్టు 11న రిలీజ్ కానుంది.

Also, do SUBSCRIBE to our YouTube channel to get latest Tollywood updates.