సాధారణంగా తాము నటించిన సినిమాల రిజక్ట్స్ ను హీరోయిన్లు పెద్దగా పట్టించుకోరు. హిట్ అయితే ఏదో కాసేపు ఆనందపడి.. ఆ హిట్ తమ కెరీర్ కి ఎంతవరకూ ప్లస్ అవుతుంది అని క్యాల్కులేట్ చేసుకొని సైలెంట్ అయిపోతారు, ఒకవేళ ఫ్లాప్ అయితే సైలెంట్ గా తమ నెక్స్ట్ సినిమా కోసం వర్క్ చేసుకొంటూపోతారు. కానీ.. చాలా అరుదుగా మాత్రమే తాము నటించిన సినిమాల గురించి, తాము పోషించిన పాత్రల గురించి మాట్లాడతారు. అయితే.. ఒక యంగ్ హీరోయిన్ అయినా లేక ఒక స్టార్ హీరోయిన్ అయినా ఒక పెద్ద హీరోతో చేసిన సినిమా గురించి నెగిటివ్ గా మాట్లాడడం అనేది ఇప్పటివరకూ జరగలేదు. సదరు సినిమా ఎంత పెద్ద ఫ్లాప్ అయినా కూడా అదొక మంచి ఎక్స్ పీరియన్స్ అని కవర్ చేస్తారే తప్ప మనసులో మాట మాత్రం బయటపెట్టరు.
కానీ.. బాలీవుడ్ నటి అనుష్క శర్మ మాత్రం షారుక్ ఖాన్ తో కలిసి నటించిన తన తాజా చిత్రం “జీరో” రిజల్ట్ విషయంలో మాత్రం కాస్త బోల్డ్ గానే స్పందించింది. ఈ సినిమా కోసం తాను చాలా కష్టపడ్డానని కానీ.. సరైన రిజల్ట్ దొరకలేదని, ఆ సినిమా చేసినందుకు చాలా బాధపడుతున్నానని రీసెంట్ గా జరిగిన ఒక మీడియా ఇంటరాక్షన్ లో చెప్పుకొచ్చింది అనుష్క శర్మ. అసలు అనుష్కకు లైఫ్ ఇచ్చిందే షారుక్ ఖాన్. అలాంటి షారుక్ సినిమా చేసినందుకు తాను బాధపడుతున్నానని అనుష్క చెప్పడం చర్చనీయాంశం అయ్యింది.
