సాహో నుంచి అనుష్కను అందుకే పక్కన పెట్టారా?

బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ చేస్తున్న సాహో రెగ్యులర్ షూటింగ్ మొదలయింది. డైరక్టర్ సుజీత్ దర్శకత్వంలో, యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ మూవీ లో హీరోయిన్ ఎవరనేది ? కొంతకాలంగా ఆసక్తికరంగా మారింది. మొదట్లో  కన్నడ బ్యూటీ రష్మిక మందనా నటిస్తున్నట్లు  వార్తలు వచ్చాయి. తర్వాత బాలీవుడ్ హీరోయిన్స్ దీపికా పదుకునే, పరిణీతి చోప్రా పేర్లు ప్రచారంలోకి వచ్చాయి. అనుష్కను ఖరారు చేసినట్లు మొన్నటి వరకు చెప్పుకున్నారు. ‘బిల్లా’, ‘మిర్చి’, ‘బాహుబలి’లో కనిపించి అలరించిన ఈ జంట మళ్ళీ వెండితెరపై హంగామా చేస్తుందని అభిమానులు సంబర పడ్డారు. అయితే ఆ ఆనందం మూడు రోజులు కూడా నిలవలేదు.

సాహో సినిమాలోని కొన్ని యాక్షన్ సీన్స్ తెరకెక్కించడానికి ప్రభాస్, అనుష్క కు ప్రాక్టీస్ ఇచ్చారు. ఆ స్టెంట్స్ ని అనుష్క చేయలేకపోతుందంట. అందుకు కారణం పెరిగిన బరువు అని తెలిసింది. స్వీటీ సైజ్ జీరో సమయంలో పెరిగిన బరువు ఇప్పటికీ బాధపెడుతోంది. సాహో సినిమాలో ఛాన్స్ ని పోగొట్టింది. దీంతో అనుష్క చాలా అప్సెట్ అయినట్లు సమాచారం. ఆమెను తప్పించడంతో సుజీత్ కి హీరోయిన్ కష్టాలు మొదలయ్యాయి. త్వరలో ప్రభాస్ సరసన సూటయ్యే భామను సెలక్ట్ చేసి దుబాయ్ షెడ్యూల్ ని మొదలు పెట్టనున్నారు.

Also, do SUBSCRIBE to our YouTube channel to get latest Tollywood updates.