వినడానికి కాస్త క్రేజీగా ఉండొచ్చు కానీ.. నాగశౌర్య సరసన నిజంగానే అనుష్క హీరోయిన్ గా నటించేందుకు ఒప్పుకొంది. రాఘవేంద్ర రావు నిర్మాణ సారధ్యంలో బి.వి.ఎస్.రవి, క్రిష్, అనిల్ రావిపూడి కలిసి ఒక సినిమాకి దర్శకత్వం వహించనున్న విషయం తెలిసిందే. మూడు వైవిధ్యమైన ప్రేమకథల సమ్మేళనంగా రూపొందనున్న ఈ చిత్రంలో ముగ్గురు కథానాయికలు కనిపించనుండగా.. ఒక హీరోయిన్ గా అనుష్క సైన్ చేసింది. కెరీర్ మొదట్లో సీనియర్స్ తోపాటు జూనియర్ హీరోలను కూడా కవర్ చేసిన అనుష్క.. అనంతరం సీనియర్స్ కి మాత్రమే పరిమితమైంది.
చాన్నాళ్ల తర్వాత రాఘవేంద్రరావు కోరిక మేరకు నాగశౌర్య సినిమా సైన్ చేసింది. ఉన్న మూడు కథల్లో ఒక మెచ్యూర్డ్ లవ్ స్టోరీ కోసం అనుష్క సైన్ చేసింది. ఈ ప్రేమకథకు ఎవరు దర్శకత్వం వహిస్తారనే విషయంలో ఇంకా క్లారిటీ లేనప్పటికీ.. రాఘవేంద్రరావు మాత్రం మూడు ప్రేమకథలకు దర్శకత్వ పర్యవేక్షణ చేయనున్నారు. మరి నాగశౌర్య కెరీర్ కి ఈ సినిమా ఒక మైలురాయిగా నిలుస్తుందో లేదో చూడాలి.
