Pawan Kalyan: పవన్ పై ఏపీ మంత్రి కామెంట్స్ వైరల్!

September 27, 2021 / 07:51 AM ISTByFilmy Focus

Join Us

Pawan Kalyan: పవన్ పై ఏపీ మంత్రి కామెంట్స్ వైరల్!

రిపబ్లిక్ సినిమా ప్రీ రిలీజ్ ఈవెంట్ లో ప్రముఖ సినీ నటుడు, జనసేన పార్టీ అధినేత పవర్ స్టార్ పవన్ కళ్యాణ్ మాట్లాడుతూ ఏపీ ప్రభుత్వం టికెట్ రేట్లను తగ్గిస్తూ జారీ చేసిన జీవోపై సంచలన వ్యాఖ్యలు చేసిన సంగతి తెలిసిందే. పవన్ కళ్యాణ్ చేసిన కామెంట్ల గురించి ఏపీ జలవనరుల శాఖ మంత్రి అనిల్ కుమార్ స్పందిస్తూ కీలక వ్యాఖ్యలు చేశారు. ప్రతిదీ పారదర్శకంగా జరగాలని ఏపీ ప్రభుత్వం తీసుకున్న నిర్ణయం తప్పెలా అవుతుందని అనిల్ కుమార్ ప్రశ్నించారు.

ఏపీ ప్రభుత్వానికి పెద్ద హీరో అయినా చిన్న హీరో అయినా ఒకటేనని అనిల్ కుమార్ తెలిపారు. పవన్ కొరకు తాము ఇండస్ట్రీని భయపెట్టాలా? అని అనిల్ కుమార్ ప్రశ్నించారు. నిర్మాణాత్మక విమర్శలు తీసుకోవడానికి తాము సిద్ధమేనని పవన్ వాదనల్లో పొంతన లేదని మాకు డబ్బులు అవసరమైతే టికెట్ రేట్లను పెంచుతాం కదా? అని అనిల్ కుమార్ ప్రశ్నించారు. మాకు పవన్ అయినా సంపూర్ణేష్ బాబు అయినా ఒకటేనని అనిల్ కుమార్ అన్నారు.

హీరోలుగా ఇద్దరి కష్టం ఒకటేనని టికెట్ రేటు పెద్దహీరోకు ఒకలా చిన్నహీరోకు మరోలా ఉండకూడదని అనిల్ కుమార్ చెప్పుకొచ్చారు. 100 రూపాయల టికెట్ ను 200 రూపాయలకు కొనమని చెబితే దాన్ని అభిమానాన్ని క్యాష్ చేసుకోవడం అంటారని అనిల్ కుమార్ తెలిపారు. అనిల్ కుమార్ చేసిన కామెంట్ల గురించి సంపూర్ణేష్ బాబు స్పందించి మంత్రి అనిల్ గారు తనను పవన్ తో సమానంగా చూడటం సంతోషకరమని అయితే ప్రస్తుతం టాలీవుడ్ కష్టాల్లో ఉన్న నేపథ్యంలో పెద్ద మనస్సుతో సమస్యలు పరిష్కారం అయ్యేలా చూడాలని సోషల్ మీడియా పోస్ట్ లో కోరారు.