Apsara Rani: ఏంటీ… ఆర్జీవీ బ్యూటీయేనా? ఇలా మారిపోయిదేంటి?

అప్సరా రాణి గుర్తుందా? ఇలా అడిగితే ఏమో అని డౌట్‌గా ఉండొచ్చు కానీ… ఆర్జీవీ బ్యూటీ అప్సర గుర్తుందా అంటే మాత్రం ఠక్కున గుర్తొచ్చేస్తుంది. బోల్డ్‌ అందం ఉట్టిపడే ఈ భామ రామ్‌గోపాల్‌ వర్మ టాలీవుడ్‌కి పరిచయం చేశారు. ఆమెతో తన తరహాలో ఏవేవో సినిమాలు చేయించారు. అందాల ప్రదర్శనకు ఏ మాత్రం అడ్డు చెప్పని ఆర్జీవీ భామల్లాగే ఆమె కూడా రెచ్చిపోయింది. రవితేజ ‘క్రాక్‌’ సినిమాలో ఐటెమ్‌ సాంగ్‌తో టాలీవుడ్‌లో ఐటెమ భామ జోరు చూపిస్తుందేమో అనుకున్నారు. అవన్నీ కుదర్లేదు.

అప్సరను అంత బోల్డ్‌గా చూసినప్పుడు కుర్రకారు ఎంత షాక్‌ అయ్యారో తెలియదు కానీ… రీసెంట్‌గా ఆమె ఫొటోలు కొన్ని సోషల్‌ మీడియాలో కనిపించేసరికి చాలా షాక్‌ అయ్యారు. ఈసారి అంతకుమించి అందాలు ఒలికించిందా అంటే… అస్సలు లేదు అని చెప్పాలి. లంగా వోణీలో పద్ధతైన తెలుగు అమ్మాయిలా ఆ ఫొటోల్లో కనిపించింది. అలా ఆమెను చూసిన నెటిజన్లు ‘ఈమె ఎవరు అప్సర చెల్లినా?’, ‘అప్సరలా ఉంది కొంపదీసి ఆమె కాదు కదా’ అని కామెంట్లు చేస్తున్నారు.

అప్సర అలా కనిపించడానికి కారణం ఫొటో షూట్‌ కాదు… ఓ సినిమా ప్రారంభం. అప్సర రాణి హీరోయిన్‌గా ఓ సినిమా ప్రారంభమైంది. సినిమాల కథేంటి, ఆమె పాత్రేంటి అనేది తెలియదు కానీ… ఓపెనింగ్‌ షాట్‌ లుక్‌ అయితే చాలా పద్ధతిగా ఉంది. ఇక ఆ సినిమా సంగతి చూస్తే… విజయ్‌ శంకర్‌ కథానాయకుడిగా చిల్‌ బ్రోస్‌ ఎంటర్‌టైన్‌మెంట్స్‌ నిర్మిస్తున్న చిత్రం అది. సురేశ్‌ లంకపల్లి దర్శకత్వం వహిస్తున్న ఆ సినిమా పేరు ‘రాచరికం’.

యథార్థ సంఘటనల ఆధారంగా, ఒక ఊరి నేపథ్యంలో ఈ సినిమా ఉంటుందట. ఈ సినిమాలో అప్సర రెట్రో లుక్‌లో కనిపిస్తుందట. నటనకు కూడా ప్రాధాన్యమున్న పాత్ర అని చెబుతున్నారు. ఈ నేపథ్యంలో అప్సర పాత్ర, లుక్‌ ఆసక్తికరంగా మారాయి. మరి సినిమాలో ఎలా ఉంటుంది? ఏం చేస్తుంది అనేది చూడాలి.

మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్

‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!