2023 క్లైమాక్స్ కి చేరుకున్నాం. ఇంకో పెద్ద సినిమా ‘సాలార్’ రిలీజ్ కి రెడీగా ఉంది. కళ్యాణ్ రామ్ ‘డెవిల్’ కూడా రిలీజ్ కావాలి. సరే ఈ విషయాన్ని పక్కన పెట్టేస్తే.. ఈ ఏడాది జనవరి నుండి మొదలుకొని ప్రతి నెల ఓ పెద్ద సినిమా రిలీజ్ అయ్యింది. జనవరిలో చిరంజీవి ‘వాల్తేరు వీరయ్య’ , బాలకృష్ణ ‘వీరసింహారెడ్డి’ , ఫిబ్రవరిలో ధనుష్ ‘సార్’ , మార్చిలో నాని ‘దసరా’, ఏప్రిల్ లో సాయి ధరమ్ తేజ్ ‘విరూపాక్ష’, రవితేజ ‘రావణాసుర’.. ఇలా ప్రతి నెలలో ఒక పెద్ద సినిమా పడింది. చిరంజీవి, బాలకృష్ణ వంటి సీనియర్ స్టార్ హీరోలు కూడా ఈ ఏడాది రెండేసి సినిమాలు రిలీజ్ చేశారు. రవితేజ నుండి కూడా ‘రావణాసుర’ ‘టైగర్ నాగేశ్వరరావు’ వంటి 2 సినిమాలు వచ్చాయి. ప్రభాస్ కూడా ‘ఆదిపురుష్’ ‘సలార్’ వంటి రెండు సినిమాలు ఇచ్చాడు అని చెప్పాలి. కానీ కొంత మంది స్టార్ హీరోలు మాత్రం ఈ ఏడాది ఒక్క సినిమాతో కూడా ప్రేక్షకుల ముందుకు రాలేదు. వాళ్ళెవరో ఓ లుక్కేద్దాం రండి :
1) మహేష్ బాబు :
2022 లో ‘సర్కారు వారి పాట’ తో అలరించిన సూపర్ స్టార్ మహేష్ బాబు.. తన తర్వాతి సినిమా ‘గుంటూరు కారం’ కోసం చాలా టైం తీసుకున్నాడు. త్రివిక్రమ్ డైరెక్షన్లో రూపుదిద్దుకుంటున్న ఈ సినిమా అనేక కారణాల వల్ల డిలే అవుతూ వచ్చింది. ఫైనల్ గా 2024 జనవరి 12 న ఈ సినిమా విడుదల కాబోతుంది. కాబట్టి 2023 లో మహేష్ బాబు నుండి సినిమా రాలేదు.
2) అల్లు అర్జున్ :
‘పుష్ప'(ది రైజ్) తర్వాత ‘పుష్ప 2′(ది రూల్) కోసం చాలా టైం తీసుకున్నాడు అల్లు అర్జున్. ఫలితంగా 2022 తో పాటు 2023 లో కూడా అతని సినిమా రాలేదు. ‘పుష్ప 2’ సినిమా 2024 ఆగస్టు 15 న రిలీజ్ కాబోతుంది అని దర్శకుడు సుకుమార్ అండ్ టీం ఎప్పుడో ప్రకటించారు.
3) ఎన్టీఆర్ :
‘ఆర్.ఆర్.ఆర్’ తర్వాత ఎన్టీఆర్ నుండి మరో సినిమా రాలేదు. కొరటాల శివ దర్శకత్వంలో చేస్తున్న ‘దేవర’ సినిమా పాన్ ఇండియా మూవీగా రూపొందుతుంది. కాబట్టి.. 2023 లో ఈ సినిమా రాలేదు. మొదటి భాగాన్ని 2024 ఏప్రిల్ లో రిలీజ్ చేయనున్నారు.
4) రాంచరణ్ :
‘ఆర్.ఆర్.ఆర్’ తర్వాత రాంచరణ్ ‘ఆచార్య’ సినిమాలో స్పెషల్ రోల్ చేశాడు. కానీ 2023 లో అతని నుండి ఒక్క సినిమా కూడా రాలేదు. శంకర్ దర్శకత్వంలో చేస్తున్న ‘గేమ్ ఛేంజర్’ షూటింగ్ నత్త నడకన సాగుతుంది.
5) నాగార్జున :
2022 చివర్లో వచ్చిన ‘ఘోస్ట్’ తర్వాత నాగార్జున నుండి మరో సినిమా రాలేదు. ‘నా సామి రంగ’ సినిమా కోసం నాగార్జున చాలా గ్యాప్ తీసుకున్నారు. కొరియోగ్రాఫర్ విజయ్ బిన్నీ ఈ చిత్రంతో దర్శకుడిగా పరిచయమవుతున్నాడు.
6) వెంకటేష్ :
2022 లో ‘ఎఫ్ 3’ తో ప్రేక్షకుల ముందుకు వచ్చిన వెంకటేష్ తన 75 వ సినిమా కోసం చాలా టైం తీసుకున్నారు. ఫైనల్ గా శైలేష్ కొలను దర్శకత్వంలో ‘సైందవ్’ చేశారు. వాస్తవానికి ఇది ఈ ఏడాది డిసెంబర్లోనే రావాలి.. కానీ ‘సలార్’ సినిమా వల్ల 2024 జనవరి 13న రాబోతుంది. అలా వెంకీ నుండి కూడా ఈ ఏడాది ఒక్క సినిమా కూడా రాలేదు.
7) శర్వానంద్ :
2022 లో శర్వానంద్ నటించిన ‘ఒకే ఒక జీవితం’ హిట్ అయ్యింది. ఆ తర్వాత తన 35వ సినిమా కోసం శర్వానంద్ కొంచెం టైం తీసుకున్నాడు. శ్రీరామ్ ఆదిత్య దర్శకత్వంలో ఓ సినిమా ఓకే చేశాడు కానీ అది ఎందుకో లేట్ అవుతుంది. అలా 2023 లో శర్వానంద్ నుండి ఒక్క సినిమా కూడా రాలేదు.
8) రానా :
‘విరాటపర్వం’ తర్వాత రానా కూడా ఇంకో సినిమా చేయలేదు. నిఖిల్ నటించిన ‘స్పై’ సినిమాలో చిన్న క్యామియో ఇచ్చాడు. కానీ రానా ఫుల్ లెంగ్త్ హీరోగా చేసిన సినిమా ఏమీ కూడా ఈ ఏడాది రాలేదు. ప్రస్తుతం తేజ దర్శకత్వంలో ‘రాక్షస రాజు’ అనే సినిమా చేస్తున్నాడు రానా.
9) అల్లు శిరీష్ :
గతేడాది ‘ఊర్వశివో రాక్షసివో’ తో ప్రేక్షకుల ముందుకు వచ్చిన శిరీష్ కూడా ఈ ఏడాది ఇంకో సినిమా కంప్లీట్ చేసి రిలీజ్ చేయలేకపోయాడు.
10) సూర్య, కమల్ హాసన్, ‘కె.జి.ఎఫ్’ యష్:
వీళ్ళు మాత్రమే కాదు తెలుగులో సూపర్ క్రేజ్ ఉన్న సూర్య, కమల్ హాసన్, ‘కె.జి.ఎఫ్’ యష్ వంటి పక్క బాషా హీరోల (Star Heroes ) నుండి కూడా 2023 లో ఒక్క సినిమా కూడా రాలేదు.
