బాలీవుడ్లో చేసినవి రెండే సినిమాలు కావొచ్చు… అయితే ఆ రెండూ ఇండస్ట్రీ హిట్లు. ఇప్పటి లెక్కల ప్రకారం అయితే ఆ సినిమాలకు రూ. వెయ్యి కోట్ల మార్క్ వేసేయొచ్చు. ఆయా హీరోలకు ఆ సినిమాలు ఆల్ టైమ్ రికార్డులు తెచ్చిపెట్టాయి అని చెప్పాలి. ఆ సినిమాలు ‘గజనీ’, ‘హాలీడే’ అయితే.. ఆ దర్శకుడు (A.R.) మురుగదాస్. ఈ డైరక్టర్ ఇప్పుడు మళ్లీ బాలీవుడ్కి వెళ్తున్నారు. ఈసారి సల్మాన్ ఖాన్ను డైరెక్ట్ చేయబోతున్నారు. దీంతో మరోసారి ఆ రేంజి హిట్ గ్యారంటీ అంటూ అభిమానులు మురిసిపోతున్నారు.
(Aamir Khan) ఆమిర్ ఖాన్తో ‘గజనీ’, (Akshay Kumar) అక్షయ్ కుమార్తో ‘హాలీడే’ చేసిన మురుగదాస్ ఇప్పుడు (Salman Khan) సల్మాన్ ఖాన్తో ‘కిక్ 2’ చేయబోతున్నారట. ఈ సినిమా పేరు వినగా ‘అయ్యో ఇదెందుకు’ అనే మాట వినిపిస్తుంది. అయితే తెలుగులో వచ్చిన ‘కిక్’… అక్కడి ‘కిక్’ ఒకటే కానీ… ‘కిక్ 2’ విషయంలో కథ మార్పు చేస్తున్నారట. సల్మాన్ ఖాన్ కెరీర్లోనే బిగ్గెస్ట్ హిట్గా నిలిచింది ‘కిక్’. దీంతో మరోసారి ఆయన ట్రాక్ ఎక్కడానికి ‘కిక్’ను తీసుకొస్తున్నాడట.
ఈ సినిమా కోసమే మురుగదాస్ వెళ్తున్నారు. ‘కిక్ 2’ కథను కొత్తగా తీసుకొని సల్మాన్కి తగ్గట్టుగా మార్చి స్క్రీన్ ప్లే రాశారట మురుగదాస్. సల్మాన్కు ఆ వెర్షన్ నచ్చడంతో మే నుండి షూటింగ్ స్టార్ట్ చేసేద్దాం అన్నాడట. దీంతో దేవీలాల్ సింగ్గా మరోసారి సల్లూ భాయ్ అదరగొడతాడని ఫ్యాన్స్ అనుకుంటున్నారు. జులై నుండి షూటింగ్ ఫుల్ ప్లడ్జ్గా చేసి… వచ్చే ఏడాది రంజాన్కి ప్రేక్షకుల ముందుకొస్తారని టాక్.
రంజాన్కి వచ్చే సల్మాన్ ఖాన్ చిత్రాలకు విజయాల శాతం ఎక్కువ. అందుకే మరోసారి ఆ డేట్ను ఫిక్స్ అయ్యాడు అంటున్నారు. మరి ఎలాంటి కథ, కథనంతో మురుగదాస్ వస్తారో చూడాలి. అన్నట్లు సల్మాన్ ఖాన్ ప్రస్తుతం ‘ది బుల్’ సినిమా చిత్రీకరణలో బిజీగా ఉన్నాడు. మేలో ‘కిక్ 2’ ప్రారంభోత్సవం ఉంటుందట. షూటింగ్ అయితే సెకండాఫ్ ఫస్ట్లో స్టార్ట్ చేస్తారట.
‘గామి’ తప్పకుండా చూడడానికి గల 10 కారణాలు!
స్టార్ హీరో అజిత్ హెల్త్ అప్డేట్ వచ్చేసింది… ఎలా ఉందంటే?
ఆ యూట్యూబ్ ఛానెల్స్ పై శరణ్య ప్రదీప్ ఫైర్.. ఏం జరిగిందంటే?
