Ar Murugadoss, Allu Arjun: మురుగదాస్-బన్నీ కాంబో.. సెట్ అవుతుందా..?

May 19, 2022 / 08:23 PM ISTByFilmy Focus

Join Us

Ar Murugadoss, Allu Arjun: మురుగదాస్-బన్నీ కాంబో.. సెట్ అవుతుందా..?

కోలీవుడ్ లో స్టార్ డైరెక్టర్ గా గుర్తింపు తెచ్చుకున్నారు మురుగదాస్. కానీ టాలీవుడ్ లో మాత్రం ఆయన పెద్దగా కలిసిరాలేదు. ఇక్కడ ఆయన డైరెక్ట్ చేసిన ‘స్టాలిన్’, ‘స్పైడర్’ సినిమాలు బాక్సాఫీస్ వద్ద డిజాస్టర్స్ గా నిలిచాయి. అయితే తెలుగు హీరోలకు మాత్రం మురుగదాస్ పై నమ్మకం పోలేదు. ‘గజిని’, ‘తుపాకి’, ‘కత్తి’ లాంటి బ్లాక్ బస్టర్స్ తీసిన ఆయన మాస్ పల్స్ ను బాగా క్యాచ్ చేయగలరు. అందుకే హీరోలు ఇంకా ఆయన దర్శకత్వంలో పని చేయడానికి ఆసక్తి చూపిస్తున్నారు.

రామ్ చరణ్ తో గతంలో ఓ సినిమా కోసం చర్చలు జరిపారు మురుగదాస్. అది వర్కవుట్ కాలేదు. ఇప్పుడు అల్లు అర్జున్ తో ఆయన టచ్ లో ఉన్నట్లు సమాచారం. కొన్నాళ్ల క్రితం అల్లు అర్జున్, మురుగదాస్ కాంబినేషన్ లో సినిమా వస్తుందని వార్తలు వినిపించాయి. మురుగదాస్.. బన్నీకి ఓ కథ కూడా వినిపించారు. ఆయనకు నచ్చినప్పటికీ ‘పుష్ప’ ప్రాజెక్ట్ తో బిజీ అయ్యారు. మురుగదాస్ కూడా రజినీకాంత్ తో ‘దర్బార్’ తరువాత బన్నీతో సినిమా చేయాలనుకున్నారు.

అప్పటినుంచి బన్నీతో టచ్ లోనే ఉన్నారట. ప్రస్తుతం మురుగదాస్ రెండు కథలపై వర్క్ చేస్తున్నట్లు తెలుస్తోంది. అందులో అల్లు అర్జున్ కథ కూడా ఉందట. కానీ బన్నీ.. ‘పుష్ప2’ సినిమా చేస్తున్నారు. ఈ సినిమాని పూర్తి చేసి ప్రేక్షకుల ముందుకు తీసుకురావడానికి కనీసం ఏడాది సమయం పడుతుంది. ఈలోగా మురుగదాస్ వేరే స్టార్ తో సినిమా మొదలుపెడతారేమో చూడాలి. ‘పుష్ప2’ పూర్తి చేసిన తరువాత మాత్రం బన్నీ-మురుగదాస్ కాంబినేషన్ లో సినిమా ఉండే ఛాన్స్ ఉంది. ఈ సినిమా కూడా పాన్ ఇండియా లెవెల్ లో ఉండబోతుందని సమాచారం.