RC16: అప్పుడే కొట్టేసి వెళ్లిపోయిన రెహమాన్!

గ్లోబల్ స్టార్ రామ్ చరణ్ (Ram Charan) తన తదుపరి ప్రాజెక్ట్ ‘RC16‘ బుచ్చిబాబు (Buchi Babu Sana) దర్శకత్వంలో చేస్తున్న విషయం తెలిసిందే. ఈ చిత్రం విలేజ్ స్పోర్ట్స్ యాక్షన్ డ్రామాగా భారీ బడ్జెట్‌తో తెరకెక్కనుంది. ఉత్తరాంధ్ర బ్యాక్‌డ్రాప్‌లో ఈ చిత్ర కథనం సాగుతుందని టాక్ వినిపిస్తోంది. ‘ఉప్పెన’ సినిమాతో సూపర్ హిట్ అందుకున్న బుచ్చిబాబు, ఈ సినిమాకి చాలా గ్యాప్ తీసుకోవడంతో దీనిపై భారీ అంచనాలు ఏర్పడ్డాయి. హీరోయిన్ గా జాన్వీ కపూర్ (Janhvi Kapoor) ని ఇప్పటికే కన్ఫర్మ్ చేశారు.

RC16

మరోవైపు ఇండియన్ మ్యూజిక్ లెజెండ్ ఏఆర్ రెహమాన్ (A.R.Rahman) ఈ చిత్రానికి సంగీతం అందించనున్నారు. ఈ కథ రెహమాన్ కి చాలా కనెక్టింగ్ గా అనిపించిందట, అందుకే వెంటనే సినిమాకి ఓకే చెప్పారని సమాచారం. మరింత ఆసక్తికరమైన విషయం ఏంటంటే, రెహమాన్ ఇప్పటికే ఈ చిత్రానికి నాలుగు సాంగ్ ట్యూన్స్ సిద్ధం చేశారట. బుచ్చిబాబు తన కథను స్పష్టంగా, క్లారిటీగా నేరేట్ చేయడంతో రెహమాన్ తగిన ట్యూన్స్ కంపోజ్ చేయడానికి ఎక్కువ సమయం తీసుకోలేదు.

ఇక సినిమా షూటింగ్ ప్రారంభం కాకముందే పాటల విషయంలో రెహమాన్ తన పని సగం వరకు పూర్తి చేసినట్లు టాక్ వినిపిస్తోంది. టైన్స్ అన్ని సెట్టయ్యాయి. ఇక షూటింగ్ పూర్తయితే మళ్ళీ రెహమాన్ బ్యాక్ గ్రౌండ్ స్కోర్ కోసం మాత్రమే వర్క్ చేయనున్నాడట. మొదటి షెడ్యూల్‌ను సాంగ్స్ షూట్ తోనే స్టార్ట్ చేసే అవకాశం ఉందని వార్తలు వినిపిస్తున్నాయి. ఇక ఈ సినిమాలో ప్రతినాయకుడి పాత్రలో ఎవరు కనిపించనున్నారన్నది ఆసక్తికరంగా మారింది.

రామ్ చరణ్ ఈ సినిమాకి సంబంధించి సరికొత్తగా మేకోవర్ అవుతున్నాడని, తన లుక్ సిద్ధమైన వెంటనే షూటింగ్ ప్రారంభమవుతుందని ప్రచారం జరుగుతోంది. ఈ చిత్రంలో తన క్యారెక్టర్‌లో కొంత హ్యూమర్ టచ్ కూడా ఉండనుందని చరణ్ గతంలో ఓ ఇంటర్వ్యూలో చెప్పాడు. ఉత్తరాంధ్ర నేపథ్యంలో కథ ఉంటుందని, ఆ ప్రాంత నేటివ్ స్లాంగ్ డైలాగ్స్ ఉంటాయని కూడా తెలుస్తోంది. ‘గేమ్ చేంజర్’ కంటే ఈ సినిమాపై మెగా ఫ్యాన్స్‌లో మరింత ఆసక్తి ఉండటం విశేషం.