ఇండస్ట్రీని బెంబేలెత్తించిన ఎడిటర్ పైరసీ ప్రయత్నం

నిన్న సాయంత్రం రాజేష్ అనే ఎడిటర్ కొన్ని పెద్ద సినిమాల ఎడిటింగ్ సూట్ విజువల్స్ తో పోలీసులకు పట్టుబడ్డాడని, ఈ ముఠాలో కొందరు విద్యార్ధులు కూడా భాగస్వాములై ఉన్నారనే వార్త దాదాపు అన్నీ న్యూస్ చానల్స్ లో హల్ చల్ చేసిన విషయం తెలిసిందే. తొలుత అందరూ ఈ హార్డ్ డిస్క్ లో కేవలం “గీత గోవిందం” సినిమాకి సంబంధించిన విజువల్స్ మాత్రమే ఉన్నాయనుకొన్నారు. కట్ చేస్తే.. ఇదే హార్డ్ డిస్క్ లో త్రివిక్రమ్-ఎన్టీఆర్ ల క్రేజీ కాంబినేషన్ లో తెరకెక్కుతున్న “అరవింద సమేత” మరియు మహేష్ బాబు-వంశీ పైడిపల్లిల క్రేజీ కాంబినేషన్ లో రూపొందుతున్న “మహర్షి” సినిమాకి సంబంధించిన రఫ్ విజువల్స్ కూడా చాలా ఉన్నాయని తెలుస్తోంది.

పోలీసులు ఆల్రెడీ ఆ హార్డ్ డిస్క్ ను అదుపులోకి తీసుకొన్నప్పటికీ.. ఈపాటికి ఎన్ని కంప్యూటర్స్, ల్యాప్ టాప్స్ లో కాపీ చేశాడో తెలియడం లేదు. పొరపాటున ఆ కంటెంట్ గనుక బయటకి వస్తే సినిమాకి భీభత్సమైన లాస్ వస్తుంది. ఈ విషయం తెలిసేసరికి రెండు సినిమాల నిర్మాతలకు గుండె ఆగినంత పనయ్యింది. వెంటనే యాంటీ పైరసీ బృందం రంగంలోకి దిగి.. ఈ సినిమాకి సంబంధించిన డిజిటల్ ట్రేసస్ కోసం ఆన్ లైన్ లో వెతకడం మొదలుపెట్టారు. అయితే.. ఎవరికీ అంతుబట్టని విషయం ఏంటంటే.. ఇంత భారీ బడ్జెట్ సినిమాలకు సంబంధించిన డేటా ఒక థర్డ్ పార్టీ ఎడిటర్ వద్దకు ఎలా వెళ్లింది అనేది.