Ariyana, RGV: వర్మకు అది మామూలే.. అరియానా కామెంట్స్ వైరల్..?

రామ్ గోపాల్ వర్మ నిత్యం ఏదో ఒక వివాదం ద్వారా వార్తల్లో నిలుస్తూ ఉంటారు. తాజాగా అరియానా వర్మతో బోల్డ్ ఇంటర్వ్యూ చేయగా ఆ ఇంటర్వ్యూపై ప్రేక్షకుల నుంచి భిన్నాభిప్రాయాలు వ్యక్తమయ్యాయి. అరియానా అలాంటి ఇంటర్వ్యూలకు దూరంగా ఉంటే మంచిదనే కామెంట్లు సైతం వ్యక్తమయ్యాయి. అరియానా నెగిటివ్ కామెంట్ల గురించి స్పందిస్తూ ఆ ఇంటర్వ్యూను బోల్డ్ ఇంటర్వ్యూ అంటున్నారని తనకు మాత్రం అలా అనిపించలేదని తెలిపారు. ఆ ఇంటర్వ్యూకు మంచి స్పందన వస్తోందని తనకు ఇంటర్వ్యూ ప్లస్ అవుతుందని అరియానా పేర్కొన్నారు.

వర్మ చెప్పిందే చేస్తారని వివాదాలతో కాలక్షేపం చేయడం వర్మకు హాబీ అని అరియానా వెల్లడించారు. అమ్మాయిలను వేధించే లక్షణం ఆర్జీవీలో లేదని అరియానా తెలిపారు. 2017 సంవత్సరంలో తాను తొలిసారి వర్మను ఇంటర్వ్యూ చేశానని ఆ తరువాత కూడా తనకు వర్మను ఇంటర్వ్యూ చేసే అవకాశం రెండుసార్లు వచ్చిందని ఆమె అన్నారు. ఈ ఫీల్డ్ లో సక్సెస్ సాధించాలంటే కోప్పడకూడదని తెలుసుకున్నానని అరియానా పేర్కొన్నారు. ట్రోల్స్ గురించి స్పందిస్తూ కొందరు బాధ,

అసూయ కలిగితే తననే ట్రోల్ చేస్తుంటారని నా ద్వారా పాపులర్ కావాలనే ప్రయత్నం చేస్తారని అరియానా చెప్పుకొచ్చారు. ప్రస్తుతం తన చెల్లి తనకు క్లోజ్ అని చెల్లితో అన్ని విషయాలు మాట్లాడతానని అరియానా వెల్లడించారు. యంగ్ హీరో రాజ్ తరుణ్ మంచి ఫ్రెండ్ అని అరియానా తెలిపారు. ఆర్జీవీ బోల్డ్ ఇంటర్వ్యూ అరియానా కెరీర్ కు నిజంగా ప్లస్ అవుతుందో లేదో తెలియాలంటే కొన్ని రోజులు ఆగాల్సిందే.

Most Recommended Video

బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?