Arjun Sarja: మాట్లాడితే.. షర్ట్ విప్పించి బాడీ చూపించి ఫైట్ చేయించేవారు.. నాకు యాక్టింగే రాదు : అర్జున్

సీనియర్ స్టార్ హీరో యాక్షన్ కింగ్ అర్జున్ సర్జా(Arjun Sarja)  తన కూతురు ఐశ్వర్య అర్జున్ ని హీరోయిన్ గా పెట్టి ‘సీతా పయనం’ అనే సినిమాని తెరకెక్కించారు. ఫిబ్రవరి 14న వాలెంటైన్స్ డే కానుకగా రిలీజ్ అయ్యింది. నిన్న అంటే ఆదివారం రోజున థాంక్స్ మీట్ ఏర్పాటు చేశారు. ఇందులో భాగంగా.. యాక్షన్ కింగ్ అర్జున్ తనకి యాక్టింగ్ రాదు అంటూ చేసిన కామెంట్స్ హాట్ టాపిక్ అయ్యాయి.

Arjun Sarja

అర్జున్ మాట్లాడుతూ.. ” మా నాన్నగారు శక్తిప్రసాద్ గారు కన్నడలో పెద్ద యాక్టర్. 200 కి పైగా సినిమాల్లో నటించారు. ఆయనకి నేను యాక్టర్ అవ్వడం ఇష్టం లేదు. ఓ పోలీస్ ఆఫీసర్ గా నన్ను చేయాలి అనుకున్నారు. ఆయన నాకు ఒక మాట చెప్పారు. ‘జీవితంలో మనకి కొన్ని నెగిటివ్ గా అనిపిస్తాయి… కానీ వాటి వల్ల కూడా పాజిటివ్ అవ్వొచ్చు’ అని చెప్పారు. నేను పోలీస్ ఆఫీసర్ అవ్వాలని కరాటే నేర్చుకున్నాను.

తర్వాత మా నాన్న డాక్టర్ సీటు ఇప్పిస్తాను. డాక్టర్ అయిపోతావా అని అడిగారు. చివరికి నన్ను ఆయన ఎందుకో సినిమాల్లోకి తోసేశారు. నాకు యాక్టింగ్ రాదు. తర్వాత కోడి రామకృష్ణ గారు వచ్చి ‘రా నేను చెప్పింది చెయ్ చాలు’ అన్నారు. ‘నేను చెయ్యలేను’ అని చెప్పాను. ‘మా పల్లెలో గోపాలుడు’ సినిమాలో హీరో అన్నారు. నేను చెయ్యను అని చెప్పాను. అయినా నాతో చేయించారు.

తర్వాత 15, 20 సినిమాల వరకు యాక్టింగే రాదు. మాట్లాడితే షర్ట్ విప్పించేసి…బాడీ చూపిస్తూ ఫైటు పెట్టేసేవారు. దాంతో ఫైట్లు బాగా చేస్తున్నాడు. సౌత్ ఇండియన్ బ్రూస్ లీ అనే బిరుదు కూడా ఇచ్చేశారు. అది విని ‘ఏంటి అవునా'(నవ్వుతూ) అనుకున్నాను.ఆ తర్వాత కొన్ని సినిమాలు ప్లాప్ అయ్యాయి. అప్పుడు నాకు అనిపించింది. ఇదే నా జీవితం అని..! అప్పుడు పెద్ద దర్శకుల సినిమాలు చూసి యాక్టింగ్ నేర్చుకున్నాను” అంటూ హానెస్ట్ గా చెప్పుకొచ్చారు.

నెగిటివ్ టాక్ తో రెండో రోజు కూడా పర్వాలేదనిపించిన ‘ఫంకీ’ కలెక్షన్లు