‘ఈగ’ చిత్రంలో తన నటనతో టాలీవుడ్ ప్రేక్షకులకి దగ్గరయ్యాడు కన్నడ స్టార్ హీరో సుదీప్. తరువాత ‘బాహుబలి ది బిగినింగ్’ లో కూడా ఓ అతిధి పాత్రలో కనిపించాడు. కేవలం కన్నడలో మాత్రమే కాకుండా తెలుగు, తమిళ భాషల్లో కూడా నటిస్తూ బహుభాషా నటుడుగా దూసుకుపోతున్నాడు. ప్రస్తుతం మెగాస్టార్ 151 వ చిత్రమైన ‘సైరా నరసింహ రెడ్డి’ లో కూడా నటిస్తున్నాడు. ఇదిలా ఉండగా… కోర్టుకు హాజరవ్వాలని ఇటీవల కొన్ని సార్లు అందినా.. సుదీప్ పట్టించుకోకపోవడంతో అరెస్ట్ వారెంట్ అందిందంట.
వివరాల్లోకి వెళితే.. చిక్కమగళూరుకు చెందిన దీపక్ మయూర్ అనే బిజినెస్ మేన్ హీరో సుదీప్ పై కేసు పెట్టాడట. గతంలో సుదీప్ ఓ ప్రైవేట్ కంపెనీలో వారస్ధారా (వారసుడు) అనే సీరియల్ నిర్మించిన సంగతి తెలిసిందే. ఈ టీవీ సీరియల్ షూటింగ్ రీత్యా సుదీప్ చిక్కమగళూరులోని కొన్ని ప్రాంతాలను గాలించాడట. ఈ క్రమంలో దీపక్ మయూరు చెందిన ఇంటిని, కాఫీ తోటను అద్దెకు తీసుకున్నాడట సుదీప్. షూటింగ్ సమయంలో ఇల్లు, ఫాం హౌస్ ద్వంసం అయ్యిందని దీపక్ మయూర్ ఆరోపణలు వ్యక్తం చేసాడట. దీంతో నష్ట ఫరిహారంగా రూ. 1.50 కోట్లు చెల్లించాలని సుదీప్ కు ఎన్నిసార్లు మనవి చేసినా తను పట్టించుకోకపోవడంతో దీపక్ మయూర్ కోర్టుని ఆశ్రయించాడట. కోర్టు వారు ఎన్ని సార్లు విచారణ కు రమ్మని నోటీసులు పంపినా సుదీప్ పట్టించుకోలేదని… అందుకే ఇలా అరెస్ట్ వారెంట్ జారీ చేసారని కన్నడ మీడియా వర్గాల సమాచారం. మరి చివరికి ఏమవుతుందో చూడాలి.
