Arvind Swamy: డేట్స్ ఇష్యూ వల్ల సూపర్ హిట్ సినిమా వదులుకున్నాడట.!

రీఎంట్రీ తర్వాత అరవిందస్వామి (Arvind Swamy) మంచి రోల్స్ ప్లే చేస్తున్నాడు. “తని ఒరువన్”, దాని రీమేక్ “ధృవ”(Dhruva) , తమిళంలో “బోగన్” వంటి సినిమాల్లో విలన్ రోల్స్ చేస్తూ తన సెకండ్ ఇన్నింగ్స్ కు మంచి వేల్యూ యాడ్ చేసుకున్నాడు. అయితే.. ఈ సెకండ్ ఇన్నింగ్స్ లో ఒక క్రేజీ రోల్ పోగొట్టుకున్నాడట. అదేంటో కాదు తమిళంలో సూపర్ హిట్ అయిన “మానాడు” (Maanaadu) . అదే రోల్ ను ప్లే చేసిన ఎస్.జె.సూర్య (S. J. Suryah) పెద్ద స్టార్ అయిపోయాడు.

Arvind Swamy

“మానాడు” సినిమాలో ఎస్.జె.సూర్య పాత్ర కోసం మొదట అరవిందస్వామిని అనుకున్నారట. ఆయనకి పాత్ర చెప్పగా చాలా బాగా నచ్చిందట. అయితే.. సరిగ్గా అదే సమయానికి ఆయన వేరే సినిమా సైన్ చేయగా, ఆ సినిమా కోసం 30 రోజులు బిజీ అయిపోయారు. ఈలోపు ఎస్.జె.సూర్య సదరు పాత్రకి ఒకే చెప్పడం, షూటింగ్ మొదలైపోవడం కూడా జరిగిపోయిందట.తన షూటింగ్ కంప్లీట్ చేసుకొని వచ్చేసరికి తనకు నచ్చిన క్యారెక్టర్ ను వేరే యాక్టర్ ప్లే చేశాడు అనే విషయం తెలుసుకొని చాలా బాధపడ్డాడట అరవింద స్వామి.

సినిమా ఇండస్ట్రీలో ఇలా ఒకరికి అనుకున్న పాత్రను మరొకరు ప్లే చేయడం అనేది సర్వసాధారణం అయినప్పటికీ.. అరవింద స్వామి మాత్రం విషయాన్ని సీరియస్ గా తీసుకొని ఇప్పటివరకు అరవిందస్వామి “మానాడు” సినిమా చూడలేదట. ఎందుకంటే.. తాను చేయాల్సిన పాత్రను వేరే నటుడు చేయడాన్ని ఆయన జీర్ణించుకోలేకపోయాడట. ఆ తర్వాత అదే దర్శకుడితో తెలుగులో “కస్టడీ” (Custody) అనే సినిమా చేసాడనుకోండి.

ప్రస్తుతం ఆయన తన తాజా చిత్రం “సత్యం సుందరం” సెప్టెంబర్ 28న విడుదలకు సిద్ధమవుతోంది. కార్తీ ముఖ్యపాత్రధారిగా రూపొందిన ఈ సినిమా టీజర్ ఇటీవలే విడుదలై మంచి రెస్పాన్స్ అందుకుంది. ఒక డీసెంట్ ఫ్యామిలీ డ్రామాగా రూపొందిన ఈ చిత్రం “దేవర”కు పోటీగా విడుదలవుతుండడం చిన్నపాటి సెన్సేషన్ అని చెప్పొచ్చు.

 డైరెక్టర్ అట్లీతో సినిమా గురించి యంగ్ టైగర్ ఎన్టీఆర్ క్లారిటీ ఇదే!