Jr NTR: ఆ ఒక్క మాటతో తమిళ మీడియా మెప్పు పొందిన తారక్!

యంగ్ టైగర్ జూనియర్ ఎన్టీఆర్ (Jr NTR) ఇప్పటికే వరుస ప్రాజెక్ట్ లతో కెరీర్ పరంగా చాలామంది హీరోలతో పోల్చి చూస్తే బిజీగా ఉన్నారు. 2025లో వార్2, 2026లో ప్రశాంత్ నీల్(Prashanth Neel) డైరెక్షన్ లో తెరకెక్కే సినిమాతో తారక్ ప్రేక్షకుల ముందుకు రానున్నారు. అయితే యంగ్ టైగర్ జూనియర్ ఎన్టీఆర్ వెట్రిమారన్ కాంబినేషన్ లో సినిమా అంటూ గతంలో జోరుగా వార్తలు ప్రచారంలోకి వచ్చాయనే సంగతి తెలిసిందే.

Jr NTR

దేవర (Devara) సినిమా ప్రమోషన్స్ కోసం చెన్నై వెళ్లిన తారక్ వెట్రిమారన్ (Vetrimaaran) డైరెక్షన్ లో నటించాలని ఉందని కామెంట్లు చేశారు. కోలీవుడ్ ఇండస్ట్రీలో వెట్రిమారన్ తన ఫేవరెట్ డైరెక్టర్ అని తారక్ చెప్పుకొచ్చారు. వెట్రిమారన్ డైరెక్షన్ లో తమిళంలో ఒక సినిమా చేయాలని ఉందని ఆ సినిమాను తెలుగులో డబ్ చేయాలని ఉందని తారక్ అభిప్రాయపడ్డారు. ఈ ఒక్క మాటతో జూనియర్ ఎన్టీఆర్ తమిళ మీడియా మెప్పు పొందారు.

వెట్రిమారన్ ఎన్టీఆర్ కాంబో అంటే పాన్ ఇండియా స్థాయిలో సంచలనాలు సృష్టించే ఛాన్స్ ఉంది. స్వయంగా ఎన్టీఆర్ (Jr NTR) తనతో సినిమా చేయాలని కోరిన నేపథ్యంలో వెట్రిమారన్ సైతం తారక్ తో సినిమా చేయడానికి ఆసక్తి చూపించే ఛాన్స్ ఉంది. వెట్రిమారన్ సినిమాలు ఇతర డైరెక్టర్ల శైలికి భిన్నంగా ఉంటాయి. ఈ దర్శకుడి దర్శకత్వంలో తెరకెక్కిన సినిమాలకు ఎన్నో అవార్డులు సైతం వచ్చాయి.

అయితే తమిళంలో తమిళ హీరోలతో ఎక్కువ సినిమాలు చేసిన ఈ దర్శకుడు తెలుగు హీరోలతో సినిమాలపై ఎంతమేర ఆసక్తి కనబరుస్తారో చూడాల్సి ఉంది. వెట్రిమారన్ గ్రీన్ సిగ్నల్ ఇస్తే ఎన్టీఆర్33 వ ప్రాజెక్ట్ గా ఈ సినిమా తెరకెక్కే ఛాన్స్ ఉంది. యంగ్ టైగర్ జూనియర్ ఎన్టీఆర్ ఒక డైరెక్టర్ తో సినిమా చేయాలని ఉందని పబ్లిక్ గా చెప్పడం అరుదుగా మాత్రమే జరిగిందని కామెంట్లు వ్యక్తమవుతున్నాయి.

గోపీచంద్ ప్లాప్ సినిమాకి.. ‘దేవర’ కి సంబంధం ఏంటి?