విశాల్ కోసం విలన్ గా మారిన హీరో

తమిళనాట వరుస సినిమాలతో దూసుకుపోతున్నాడు విశాల్. అవి తెలుగు ప్రేక్షకులని అనువాద రూపంలో ప్రేక్షకులని పలకరించడం మామూలే. ఇప్పటికే ఈ సంవత్సరం కథాకళి, మరుదు (తెలుగులో రాయుడు) సినిమాలను ప్రేక్షకుల ముందుంచిన విశాల్ సూరజ్ దర్శకత్వంలో చేస్తున్న ‘కత్తి సండై’ నవంబర్ లో విడుదల కానుంది. తమన్నా హీరోయిన్ గా నటించిన ఈ సినిమా ‘ఒక్కడొచ్చాడు’ పేరుతో తెలుగు తెరమీదికి రానుంది. ఇదిలా ఉంటే తన తర్వాతి సినిమా కోసం ఓ క్రేజీ కాంబినేషన్ ను సెట్ చేశాడు ఈ నల్లనయ్య.

దర్శకుడు పీఎస్.మిత్రన్ – విశాల్ కలయికలో ‘ఇరంబు తిరై’ సినిమా రూపొందనున్న సంగతి తెలిసిందే. ఈ సినిమాలో విలన్ పాత్రకు తమిళ కథానాయకుడు ఆర్యని సంప్రదించగా అతడు గ్రీన్ సిగ్నల్ ఇచ్చాడట. ఓవైపు హీరోగా సినిమాలు చేస్తూనే మలయాళం, తెలుగు సినిమాల్లో విలన్, సహాయక పాత్రలు చేస్తున్న ఆర్య తమిళంలో ఇప్పటివరకు విలన్ గా నటించనే లేదు. అటువంటిది తొలిసారి విశాల్ సినిమా కోసం విలన్ గా మారాడు ఆర్య. వీరిద్దరి మధ్య స్నేహమే ఇందుకు గల కారణమని కోలీవుడ్ వర్గాలు భావిస్తున్నాయి. మరోవైపు సినిమాలకు సెలవంటూ ప్రకటనిచ్చిన సమంత ఈ సినిమాలో హీరోయిన్ గా నటించనుందట. ఏమైనా విశాల్ భలే కాంబినేషన్ సెట్ చేశాడు.

https://www.youtube.com/watch?v=5VEFN0WbchY