సుకుమార్ దర్శకత్వంలో మెగా పవర్ స్టార్ రామ్ చరణ్ తేజ్ చేస్తున్న రంగస్థలం సినిమా పోస్ట్ ప్రొడక్షన్ దశలో ఉంది. సమంత హీరోయిన్ గా నటించిన ఈ చిత్రం మార్చి 30 న రిలీజ్ కానుంది. అయితే ఆ సినిమా రిలీజ్ కాకముందే చెర్రీ బోయపాటి శ్రీను సినిమాని పట్టాలెక్కించేశారు. ఈ సినిమా షూటింగ్ లో రామ్ చరణ్ త్వరలో జాయిన్ కానున్నారు. ఇందులో రామ్ చరణ్ కి నలుగురు అన్నయ్యలు, వదినలు ఉంటారని సమాచారం. ఇప్పటికే ఇద్దరు అన్నయ్యలుగా తమిళ హీరో ప్రశాంత్‌ (జీన్స్‌ హీరో), నవీన్‌ చంద్ర(అందాల రాక్షసి)లు ఖరారు అయ్యారు. తాజాగా మూడో అన్నయ్యను డైరక్టర్ ఫిక్స్ చేసినట్లు తెలిసింది. అతనే ఈవీవీ సత్యనారాయణ తనయుడు ఆర్యన్ రాజేష్. హీరోగా విజయాలు లేకపోవడంతో కొంతకాలం స్క్రీన్ కి దూరంగా ఉన్నారు.
రామ్ చరణ్ అన్న రోల్ నచ్చడంతో గ్రీన్ సిగ్నల్ ఇచ్చినట్లు తెలిసింది. ఇక వదినలుగా అలనాటి హీరోయిన్ స్నేహ, అనన్య (‘జర్నీ’ ఫేం), హిమజ, ప్రవీణలు నటించనున్నారు. నాలుగో అన్నయ్య పేరు మాత్రమే బయటికి రావాల్సి ఉంది. బాలీవుడ్ బ్యూటీ కైరా అద్వానీ హీరోయిన్ గా నటించనున్న ఈ చిత్రం ఎక్కువ భాగం రాజస్థాన్ లో షూటింగ్ జరుపుకోనుంది. బాలీవుడ్ హీరో వివేక్‌ ఒబెరాయ్‌ విలన్ గా నటించడానికి ఒకే చెప్పారు. డీవీవీ దానయ్య భారీ బడ్జెట్ తో నిర్మిస్తున్న ఈ చిత్రానికి రాక్ స్టార్ దేవిశ్రీ ప్రసాద్‌ సంగీతాన్ని అందిస్తున్నారు.
Home