గల్లా అశోక్ హీరోగా నటించిన “హీరో” మూవీ సంక్రాంతి కానుకగా థియేటర్లలో రిలీజ్ కానుంది. మహేష్, కృష్ణ అభిమానులు ఈ సినిమా కోసం ఆసక్తిగా ఎదురుచూస్తున్నారు. శ్రీరామ్ ఆదిత్య డైరెక్షన్ లో నిధి అగర్వాల్ హీరోయిన్ గా నటించిన ఈ సినిమా ట్రైలర్ ప్రేక్షకులను ఆకట్టుకుంది. అయితే ఈ సినిమాకు సంబంధించి ఒక వార్త సోషల్ మీడియాలో తెగ వైరల్ అవుతోంది. హీరో మూవీలో మహేష్ బాబు, కృష్ణ కూడా కనిపిస్తారని సమాచారం.
గల్లా జయదేవ్ కొడుకు గల్లా అశోక్ ఈ సినిమాతో హీరోగా పరిచయమవుతున్నారు. బంగార్రాజు, రౌడీ బాయ్స్ సినిమాలు జనవరి 14వ తేదీన రిలీజ్ కానుండగా హీరో సినిమా మాత్రం జనవరి 15వ తేదీన రిలీజ్ కానుంది. ఈ సినిమాలో గల్లా అశోక్ కౌబోయ్ గా కూడా కనిపించనున్నారు. కృష్ణ కొన్ని సినిమాలలో కౌబోయ్ గెటప్ లో కనిపించగా మహేష్ బాబు టక్కరిదొంగ సినిమాలో కౌబోయ్ గెటప్ లో కనిపించారు. అయితే టక్కరిదొంగ సినిమా బాక్సాఫీస్ వద్ద ఆశించిన స్థాయిలో సక్సెస్ సాధించలేదు.
“హీరో” సినిమా ఇంట్రడక్షన్ సీన్ లో గల్లా అశోక్ తో పాటు మహేష్. కృష్ణ కౌబోయ్ గెటప్స్ లో కనిపిస్తారని గ్రాఫిక్స్ లో ఈ సన్నివేశాలను యాడ్ చేశారని సినిమాకు ఈ సీన్ హైలెట్ గా నిలుస్తుందని సమాచారం. దర్శకుడు శ్రీరామ్ ఆదిత్య సినిమాలో తొలి పది నిమిషాలు అస్సలు మిస్ కావద్దని చెప్పడానికి కూడా అసలు కారణం ఇదేనని సమాచారం. సంక్రాంతికి మహేష్ బాబు సినిమా విడుదల కాకపోయినా మహేష్ బాబు మేనల్లుడి సినిమా విడుదలవుతూ ఉండటంతో ఫ్యాన్స్ సంతోషిస్తున్నారు.
“హీరో” సినిమాతో గల్లా అశోక్ సక్సెస్ ను అందుకుంటారో లేదో చూడాలి. కృష్ణ, మహేష్ బాబు కూడా కౌబోయ్ గెటప్స్ లో సినిమాలో కనిపించనుండటం అభిమానులకు ట్రీట్ లా ఉంటుందని దర్శకుడు భావిస్తున్నారు. దేవ్ దాస్ సినిమా తర్వాత శ్రీరామ్ ఆదిత్య దర్శకత్వం వహించిన ఇదే కావడం గమనార్హం. నిధి అగర్వాల్ కు కూడా ఈ సినిమా సక్సెస్ కీలకమనే సంగతి తెలిసిందే.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
