Athadu Collections: ‘అతడు’ కి 16 ఏళ్ళు.. ఫైనల్ గా ఎంత కలెక్ట్ చేసిందో తెలుసా?

సూపర్ స్టార్ మహేష్ బాబు హీరోగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన చిత్రం ‘అతడు’. త్రిష హీరోయిన్ గా నటించిన ఈ చిత్రాన్ని ‘జయభేరి ఆర్ట్స్’ బ్యానర్ పై డి.కిషోర్, ఎం.రామ్ మోహన్ లు కలిసి నిర్మించారు. 2005 వ సంవత్సరం ఆగష్ట్ 10న ఈ చిత్రం విడుదలైంది. అంటే నేటితో ఈ చిత్రం విడుదలై 16ఏళ్ళు పూర్తికావస్తోందన్న మాట. ఇదిలా ఉండగా.. త్రివిక్రమ్- మహేష్ లు కలిసి ‘ఖలేజా’ సినిమా కూడా చేశారు కానీ అది ఆశించిన స్థాయిలో ఆడలేదు. ‘అతడు’ తర్వాత త్రివిక్రమ్ చేసిన సినిమాలు చాలా వరకు ఇండస్ట్రీ హిట్లు, బ్లాక్ బస్టర్లు సాధించాయి. అలాగే మహేష్ కూడా ఇండస్ట్రీ హిట్లు, బ్లాక్ బస్టర్లు అందుకున్నాడు. కానీ వీళ్ళు ‘అతడు’ ని మరిపించే సినిమా ఇప్పటివరకు చేయలేకపోయారు అనే చెప్పాలి. మరి వీరి కాంబినేషన్లో తెరకెక్కుతున్న 3వ చిత్రం(SSMB 28) ఏమైనా ‘అతడు’ ని మరిపిస్తుందేమో చూడాలి.

సరే ఈ విషయాలను పక్కన పెట్టేసి ‘అతడు’ మూవీ బాక్సాఫీస్ వద్ద ఎంత కలెక్ట్ చేసిందో ఓ లుక్కేద్దాం రండి :

‘అతడు’ చిత్రం హిట్టా.. ఫ్లాపా అనే డౌట్ చాలా మందిలో ఉంది. నిజానికి ఈ చిత్రానికి అప్పటి రోజుల్లోనే రూ.24.7 కోట్ల బడ్జెట్ పెట్టారు. కానీ థియేట్రికల్ రైట్స్ మాత్రం కేవలం రూ.16.4 కోట్లకే అమ్ముడయ్యాయి. ఫుల్ రన్ ముగిసేసరికి రూ.17.3 కోట్లు కలెక్ట్ చేసింది.థియేట్రికల్ రన్ పరంగా ‘అతడు’ హిట్టే కానీ నిర్మాతకి ఆ టైములో రూ.8.3 కోట్ల వరకు నష్టం వాటిల్లింది. అయితే ‘పోకిరి’ మూవీ ఇండస్ట్రీ హిట్ అవ్వడంతో.. ‘అతడు’ చిత్రాన్ని ‘మా టీవీ’ వారు రూ.5 కోట్లకు కొనుగోలు చేశారు. 5 ఏళ్ళ వరకు వారికి అగ్రిమెంట్ ఉంది. అటు తర్వాత కూడా ‘మా టీవీ’ వాళ్ళు ‘అతడు’ చిత్రాన్ని రూ.7 కోట్లకు రెన్యూవల్ చేయించుకోవడం ఓ సెన్సేషన్ అని చెప్పాలి.సో నిర్మాతలు కూడా ఆ రకంగా గట్టెక్కేసారు అన్న మాట. అలా ‘అతడు’ సక్సెస్ ఫుల్ మూవీగా నిలిచింది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!