శైలజారెడ్డి అల్లుడు మీదే ప్రేక్షకుల దృష్టి!

ప్రతివారంలాగే ఈవారం కూడా రెండు సినిమాలు విడుదలవుతున్నాయి. నాగచైతన్య కథానాయకుడిగా రూపొందిన “శైలజా రెడ్డి అల్లుడు”, సమంత ప్రధాన పాత్ర పోషించిన “యు టర్న్” చిత్రాలు ఈవారం విడుదలకానున్నాయి. మొగుడు పెళ్లాల సినిమాలు ఒకేరోజు విడుదలవుతుందడంతో సాధారణంగానే ప్రాముఖ్యత ఏర్పడింది. అయితే.. ఈ రెండు సినిమాల్లో నాగచైతన్య “శైలజా రెడ్డి అల్లుడు” వైపే జనాలు ఎక్కువ ఆసక్తి కనబరుస్తున్నారు. మారుతి దర్శకత్వంలో తెరకెక్కిన సినిమా కావడంతోపాటు జనాలు విశేషమైన కామెడీని ఎక్స్ పెక్ట్ చేస్తున్నారు. అదే విధంగా కమర్షియల్ అంశాలన్నీ పుష్కలంగా ఉండడంతో “శైలజారెడ్డి అల్లుడు” ఈ గురువారం ఫస్ట్ ఛాయిస్ గా మారింది.

ఇక సమంత నటించిన “యు టర్న్” కన్నడ రీమేక్ కావడం, కన్నడలో బ్లాక్ బస్టర్ అయిన ఆ చిత్రాన్ని మల్టీప్లెక్స్ ఆడియన్స్ అందరూ ఆల్మోస్ట్ చూసి ఉండడంతో.. రివ్యూస్ లేదా ఫస్ట్ డే టాక్ బట్టి వెళదామనుకొంటున్నారు. ఈ రెండు సినిమాల జోనర్స్ వేరు అయినప్పటికీ.. మొగుడుపెళ్లాల్లో ఎవరు విజయం సాధిస్తారు అనే విషయం ఆసక్తికర అంశంగా మారింది. ఒకవేళ అదృష్టం బాగుండి రెండు సినిమాలు సూపర్ హిట్ అయ్యాయి అనుకోండి.. అక్కినేని అభిమానులకు మాత్రమే తెలుగు సినిమా ప్రేక్షకులకు కూడా అంతకుమించి కావాల్సింది ఏముంటుంది చెప్పండి. సో, లెట్స్ వెయిట్ ఫర్ దిస్ గురువారం.