టాలీవుడ్లో కొద్ది రోజుల నుండి పాత సినిమాల రీ రిలీజ్ ట్రెండ్ నడుస్తోంది.. మెగాస్టార్ చిరంజీవి ‘ఘరానా మొగుడు’, నటసింహ నందమూరి బాలకృష్ణ ‘చెన్నకేశవరెడ్డి’, పవర్ స్టార్ పవన్ కళ్యాణ్ ‘జల్సా’, ‘ఖుషి’, సూపర్ స్టార్ మహేష్ బాబు ‘పోకిరి’, ‘ఒక్కడు’, రెబల్ స్టార్ ప్రభాస్ ‘వర్షం’, యంగ్ టైగర్ ఎన్టీఆర్ ‘బాద్షా’, కల్ట్ క్లాసిక్ ‘మాయాబజార్’, 40 ఏళ్ల తర్వాత తొలిసారి ఏఎన్నార్ ‘ప్రతిబింబాలు‘, ట్రెండ్ సెట్టర్ లవ్ స్టోరీ ‘ప్రేమదేశం’..
ఇలా ఈమధ్య కాలంలో వివిధ సందర్భాల్లో పలు సినిమాలు కొత్త హంగులతో, అత్యాధునికి సాంకేతికతతో ప్రేక్షకుల ముందుకు వచ్చాయి.. ఈ బాటలో మరిన్ని ఓల్డ్ క్లాసిక్ అండ్ సూపర్ హిట్ సినిమాలు రాబోతున్నాయి. ప్రేమికుల దినోత్సవం నాడు పవన్ కళ్యాణ్ బిగ్గెస్ట్ బ్లాక్ బస్టర్ ‘తొలిప్రేమ’ రీ రిలీజ్ కానుంది. ‘సమరసింహా రెడ్డి’, ‘నరసింహ నాయుడు’ కూడా 4K లో వదలనున్నారని అంటున్నారు. ఆయా హీరోల అభిమానులు కూడా తమ ఫేవరెట్ యాక్టర్స్ సినిమాలను మళ్లీ థియేటర్లలో చూడాలని ఉందని, థియేటర్లలో చూడడం మిస్ అయ్యామని రీ రిలీజ్ చేయాలని సోషల్ మీడియాలో పోస్టులు చేస్తున్నారు.
ఇక్కడి వరకు బాగానే ఉంది కానీ కొద్ది రోజులుగా నెట్టింట కుర్రకారు ఓ రెండు సినిమాలు మళ్లీ విడుదల చేయాలంటూ డిమాండ్ చేస్తున్నారు. ఆ పోస్టులు చూసి.. ‘ఇదెక్కడి విడ్డూరం.. పిచ్చి పరాకాష్ట అంటే ఇదే కదా’ అంటూ కామెంట్స్ చేస్తున్నారు. థియేటర్లలో పూర్తి సినిమా చూడకుండానే దణ్ణం పెట్టేసి, బయటకి పరిగెత్తుకొచ్చిన ఆ సినిమాలు మళ్లీ చూస్తారా?.. మీకేమైనా పిచ్చా?’ అంటూ హంగామా చేస్తున్నారు.
ఇంతకీ వాళ్లు అడుగుతున్న సినిమాలు ఏంటో తెలుసా?.. 1. ఆరుగురు పతివ్రతలు, 2) హృదయ కాలేయం.. మొదటిది ఈవీవీ సత్య నారాయణ ప్రేక్షకుల సహనానికి పెట్టిన పరీక్ష అయితే.. రెండోది బర్నింగ్ స్టార్ సంపూర్ణేష్ బాబు ఆడియన్స్ అందరికీ తన పిచ్చి ఎక్కించి పంపించిన సినిమా.. కుర్రాళ్ల కోరిక మేరకు మేకర్స్ ఈ రెండు రాడ్ రంబోలా సినిమాలను మళ్లీ రీ రిలీజ్ చేస్తారేమో చూడాలి మరి..
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
