మెగాస్టార్ చిరంజీవి రీ ఎంట్రీ సినిమా కోసం డైరక్టర్ పూరి జగన్నాధ్ ఎంతో ఇష్టంతో రాసుకున్న కథ ఆటో జానీ. మాస్ ప్రేక్షకులను దృష్టిలో పెట్టుకొని మలిచిన ఈ స్టోరీ నచ్చడం తో రామ్ చరణ్ సంతోషం ఆపుకోలేక తన తండ్రి 150 వ సినిమా ఇదేనని ప్రకటించారు. కానీ సెకండాఫ్ కథ బాగాలేకపోవడంతో సంతృప్తి పడని చిరు.. ఆ కథను పక్కన పెట్టారు. తమిళ సినిమా “కత్తి” ఆకట్టుకోవడంతో ఆ కథతో మూవీ చేయడానికి మెగాస్టార్ సిద్ధమయ్యారు. ఇప్పుడు ఈ చిత్రం షూటింగ్ వేగంగా జరుగుతోంది.
అభిమాన హీరో నుంచి పిలుపు రాక పోవడంతో పూరి కళ్యాణ్ రామ్ హీరోగా ఇజం సినిమాను తెరకెక్కించడంలో బిజీ అయ్యారు. అయినా మెగా స్టార్ ని మెప్పించాలని ఉద్దేశంతో ఆటో జానీ కథకు మెరుగులు దిద్దారు. మార్పులు చేసిన కథను మెగాస్టార్ కి రీసెంట్ గా పూరి జగన్నాథ్ వినిపించారని, ఇప్పుడు చిరుకి బాగా నచ్చినట్లు సమాచారం.
మెగాస్టార్ ఒక సినిమా పూర్తి అయ్యే వరకు మరో సినిమా చేసేందుకు ఆసక్తి చూపించడం లేదని, అందుకే కత్తిలాంటోడు మూవీ తర్వాత ఆటో జానీ సెట్స్ మీదకు వెళ్లే అవకాశాలు ఎక్కువగా ఉన్నాయని పూరి సన్నిహితులు చెబుతున్నారు. చివరికి ఎలాగైనా అన్నయ్యతో సినిమా చేసే అవకాశం పూరి పట్టేశారని చిరు అభిమానులు డైరక్టర్ ని అభినందిస్తున్నారు. ఈ సినిమా గురించి పూర్తి వివరాలను అధికారికంగా త్వరలో వెల్లడించనున్నారు.
