సినిమాల్లో భయపెట్టడం ఒక కళ. దర్శకుడు చెప్పింది చెప్పినట్లు చేసేస్తే థియేటర్లలో ప్రేక్షకులు భయపడతారా? అంటే కచ్చితంగా చెప్పలేం. ఎందుకంటే ఆ హీరోయిన్ ఫేస్లో ఆ ఫీల్ కనిపించాలి. అలా పర్ఫెక్ట్గా చేసేవాళ్లలో అవికా గోర్ (Avika Gor) ఒకరు. ఈ జోనర్లో కొన్ని సినిమాలు, సిరీస్లు చేసింది. తాజాగా మరో సినిమా చేసింది, అది రిలీజ్ కూడా కాబోతోంది. యువ హీరోల సరసన పర్ఫెక్ట్ హీరోయిన్ మెటీరియల్లా కనిపించే అవికా గోర్..
ఎందుకో కానీ ఆ హీరోల సరసన నటించడం లేదు. ఈ మధ్యన ఎక్కువగా హారర్ సినిమాలు, సిరీసుల్లో కనిపిస్తోంది. గతేడాది ఆమె నుండి ‘మ్యాన్షన్ 24’ (Mansion 24) , ‘వధువు’ (Vadhuvu) తదితర సస్పెన్స్ థ్రిల్లర్ వెబ్ సిరీస్లు చేసింది. దీంతోపాటు ‘1920: హార్రర్స్ ఆఫ్ ది హార్ట్’ (1920: Horrors of the Heart) అనే హారర్ సినిమా కూడా చేసింది. ఆమె ఇప్పుడు ‘బ్లడీ ఇష్క్’ అనే హారర్ సినిమా చేసింది. ఈ సినిమాను హారర్ సినిమాలకు పెట్టింది పేరైన విక్రమ్ భట్ (Vikram Bhatt) ఈ సినిమాకు దర్శకత్వం వహించారు.
‘1920’, ‘రాజ్’ లాంటి సూపర్ హారర్ సినిమాలు విక్రమ్ దర్శకత్వంలో వచ్చినవే కావడం గమనార్హం. ‘బ్లడీ ఇష్క్’ పోస్టర్లు, ప్రచార చిత్రాఉల చూస్తుంటే ఈ సారి గట్టిగానే భయపెట్టేలా ఉన్నారు అనిపిస్తోంది. ప్రచార చిత్రంలో ఆద్యంతం ఆసక్తికర సన్నివేశాలు కనిపిస్తున్నాయి. ఈ సినిమాను థియేటర్లలో కాకుండా డైరెక్టుగా ఓటీటీలోకి వస్తోంది. డిస్నీ ప్లస్ హాట్ స్టార్లో ఈ సినిమాను జులై 26 నుండి స్ట్రీమింగ్కు తీసుకొస్తున్నారు.
అవికా గోర్కు తెలుగులో ఉన్న ఫేమ్ నేపథ్యంలో తెలుగు వెర్షన్ కూడా ఉంటుంది అని అంటున్నారు. మరి ఈసారి అవికా ఎంతలా భయపెడుతుంది, ఎలా భయపెడుతుంది అనేది చూడాలి. గతేడాది ‘పాప్కార్న్’, ‘ఉమాపతి’ లాంటి తెలుగు సినిమాలు చేసిన అవికా ఈ ఏడాది ఇంకా ఏ సినిమా కూడా ఓకే చేయలేదు. మరి ఇప్పటికైనా చేస్తుందో లేదో చూడాలి.
