విడుదలైన బాహుబలి -2 ఫస్ట్ లుక్

మహిస్మతి రాజ్యానికి యువరాజు మహేంద్ర బాహుబలి తిరిగి వచ్చాడు. వీర పరాక్రమ ఠీవి తో కనిపించి దేశ ప్రజల జేజేలు అందుకున్నారు. యంగ్ రెబల్ స్టార్ ప్రభాస్ పుట్టిన రోజు (అక్టోబర్ 23) సందర్భంగా దర్శకధీరుడు ఎస్.ఎస్. రాజమౌళి బాహుబలి కంక్లూజన్ చిత్రం ఫస్ట్ లుక్ ని శనివారం విడుదల చేశారు. ముంబయి ఫిలిం ఫెస్టివల్లో ఏర్పాటు చేసిన విలేకరుల సమావేశంలో రిలీజ్ చేసిన ఈ లుక్ బాహుబలి అభిమానులను ఆకట్టుకుంది.

ఒక చేత్తో కత్తి, మరో చేతిలో గొలుసు చుట్టుకుని ఆవేశంతో రగిలి పోతున్న శివుడు(మహేంద్ర బాహుబలి ) గా ప్రభాస్ స్టైల్ అదిరింది. ఎయిట్ ప్యాక్ తో తిరులేదనిపించారు. ఈ పోస్టర్ లో రారాజు అమరేంద్ర బాహుబలి ని కూడా చూపించారు. ఈ పోస్టర్ ప్రభాస్ అభిమానుల్లో సంతోషాన్ని నింపింది.