గుణ శేఖర్ పై ఆగ్రహం వ్యక్తం చేస్తున్న బాహుబలి అభిమానులు!

బాహుబలి బిగినింగ్ చూసి.. ఆ సినిమాకి చాలామంది ఫ్యాన్స్ అయిపోయారు. ఆ సినిమాకి కొనసాగింపుగా వచ్చిన కంక్లూజన్ చూసి వీరాభిమానులు అయిపోయారు. టాలీవుడ్, కోలీవుడ్, బాలీవుడ్ అనితేడా లేకుండా అందరూ బాహుబలి 2 అద్భుతమని కీర్తిస్తున్నారు. అయితే దర్శకుడు గుణశేఖర్ మాత్రం తక్కువగా మాట్లాడి బాహుబలి అభిమానులకు ఆగ్రహం తెప్పించారు. ఇంతకీ ఆయన ఏమి మాట్లాడారో తెలుసా.. “బాహుబలి చాలా సింపుల్ కథ. దానిని రాజమౌళి బాగా తీశారు. కీరవాణి  చక్కని సంగీతం అందించారు.” అని స్టోరీని కించపరిచి మాట్లాడారు. ఈ మాట బాహుబలి ఫ్యాన్స్ కి నచ్చలేదు.

అంతమంచి కథని పట్టుకొని చాల సింపుల్ కథ అని వర్ణించడం, అతని అవివేక తనానికి నిదర్శనమని సోషల్ మీడియాలో విమర్శలు గుప్పిస్తున్నారు. ఇది రోజు రోజుకీ విస్తరిస్తోంది. డైరక్టర్, కీరవాణిలను అభినందించినా ప్రభాస్ గురించి ప్రస్తావించకపోవడంతో,  ప్రభాస్ ఫ్యాన్స్ కూడా గుణశేఖర్ కి వ్యతిరేకంగా పోస్టులు పెడుతున్నారు. అంతేకాదు గుణశేఖర్ చేయబోయే సినిమా గురించి కామెంట్లు చేయడానికి రెడీ అవుతున్నారంట. మరి గుణశేఖర్ తప్పు తెలుసుకొని, బాహుబలిపై తన  మాటలను వెనక్కి తీసుంటారో, లేదో చూడాలి.

Also, do SUBSCRIBE to our YouTube channel to get latest Tollywood updates.