శోభు, ప్రసాద్ ల నెక్స్ట్ స్టెప్ ఏంటి?

కొందరు సినిమాలు సంపాదన కోసం తీస్తారు. మరికొందరు ప్యాషన్ కోసం తీస్తారో. ఇంకొందరు ఈగోతో తీస్తారు. అయితే సినిమా అంటే పిచ్చి, ప్యాషన్, ఇష్టం ఉన్న అతి కొద్దిమంది నిర్మాతల్లో మన బాహుబలి నిర్మాతలు శోభు, ప్రసాద్ లు ఒకరు. ఎందుకంటే ఏదో ఒక కమర్షియల్ సినిమా తీసామా, మంచి హిట్ కొట్టి డబ్బులు సంపాదించుకుని ఇంకో నాలుగు, అయిదు సినిమాలు కొని డిస్‌ట్రిబ్యూట్ చేశామా అన్న విధంగా కాకుండా మనం ఒక సినిమా చేస్తే మంచి హిట్ అయ్యీ, మన టాలీవుడ్ స్థాయిని పెంచాలి అన్న ఆలోచనతో మొదలు పెట్టిన సినిమానె బాహుబలి. అయితే రెండు భాగాలుగా వచ్చిన ఆ సినిమా ఎంతటి సూపర్ హిట్ అయ్యిందో మనకు తెలిసిందే. అంతేకాదు. దాదాపు 1650 కోట్ల గ్రాస్ కలక్షన్స్ వసూలు చేసిన బాహుబలి మంచి సినిమాగా అందరి మన్నలను పొందడం విశేషం. ఇదిలా ఉంటే అంతటి భారీ సినిమా తీసిన నిర్మాతలు తమ తర్వాత ప్రాజెక్ట్ ఎవరితో చేస్తున్నారు అన్న చిన్నపాటి సస్పెన్స్ లో ఉన్నారు అటు ప్రేక్షకులు, ఇటు టాలీవుడ్ సర్కిల్స్.

ఇక తాజాగా వినిపిస్తున్న విషయం ప్రకారం, మన బాహుబలి నిర్మాతలు తమ తరువాత సినిమా శర్వానంద్ హీరోగా చేస్తున్నట్టు తెలుస్తుంది. ఇక ఈ సినిమాని ఎవరు డైరెక్ట్ చేస్తున్నాడు అంటే, మన రాఘవేంద్ర రావు గారి తనయుడు ప్రకాశ్ కోవెలమూడి డైరెక్ట్ చేస్తారని టాక్. అయితే ప్రస్తుతం చర్చల దశల్లో ఉన్న ఈ సినిమా ఎనౌన్స్ మెంట్ త్వరలో రాబోతుంది అని తెలుస్తుంది. ప్రస్తుతం ప్రీ ప్రొడక్షన్ వర్క్ జరుపుకుంటున్న ఈ సినిమా గురించి టాలీవుడ్ లో మంచి హైప్ క్రియేట్ అవుతుంది. అసలే బాహుబలి తరువాత వస్తున్న సినిమా కావడంతో ఈ ఆర్కా మీడియా నుండి వస్తున్న ఈ ప్రాజెక్ట్ సూపర్ క్రేజ్ ఏర్పరచుకుంటుంది అని తెలుస్తుంది. చూద్దాం మరి ఈ సినిమా ఎలాంటి విజయాన్ని అందిస్తుందో మన శోభు ప్రసాద్ లకి.

Also, do SUBSCRIBE to our YouTube channel to get latest Tollywood updates.