వివిధ దేశాల సినీ ప్రముఖుల ప్రశంసలందుకున్న బాహుబలి కంక్లూజన్!

ఫ్రాన్స్‌లో జరుగుతున్న కేన్స్‌ ఫిల్మ్‌ ఫెస్టివల్‌లో తారలు తమ అందాలతో మైమరపింప జేస్తుంటే.. వివిధ దేశాల చిత్రాలు అతిధులను ఆశ్చర్యపరుస్తున్నాయి. అందరినీ ఆకట్టుకున్న సినిమాల్లో మొదటి స్థానంలో బాహుబలి నిలిచింది. అక్కడి సమయం ప్రకారం శనివారం రాత్రి 8 గంటలకు బాహుబలి బిగినింగ్ ని ప్రదర్శించారు. మొదటి పార్ట్ ని ఇదివరకే అందరూ చూసి ఉండడంతో ఎవరూ పెద్దగా థ్రిల్ కాలేదు. అయితే నిన్న రాత్రి 8 .30 గంటలు బాహుబలి కంక్లూజన్ ని ప్రదర్శించారు. ఈ మూవీ చూసిన వివిధ దేశాల సినీ ప్రముఖులు ఆశ్చర్యంలో మునిగి పోయారు. థియేటర్ నుంచి బయటికి రాగానే అందరూ బాహుబలి మీద చర్చించుకున్నట్లు అంతర్జాతీయ పత్రికలూ వెల్లడించాయి.

రాజమౌళి ఊహాత్మక శక్తికి ప్రముఖ దర్శకులు హ్యాట్సాఫ్ చెప్పినట్లై కథనాలు ప్రచురించాయి. గతనెల 28 న బాహుబలి 2 ని నాలుగు భాషల్లో మనదేశంలో పాటు అమెరికా, దుబాయ్ లో రిలీజ్ చేశారు. మిగతా యూరప్, చైనా దేశాల్లో రిలీజ్ చేయలేదు. సో .. వారికీ చూసే అవకాశం దొరకలేదు. తొలిసారి కేన్స్ వేదికపై కళాఖండాన్ని చూసి బాహుబలి బృందాన్ని అభినందించారు. ప్రముఖులు మెప్పు పొందిన ఈ మూవీని ఇతర దేశాల్లో రిలీజ్ చేయడానికి నిర్మాతలు సిద్ధమవుతున్నారు.

Also, do SUBSCRIBE to our YouTube channel to get latest Tollywood updates.