కట్టప్ప బాహుబలిని ఎందుకు చంపాడు? గత రెండేళ్లుగా సినీ ప్రియులను నిద్ర లేకుండా చేస్తున్న ప్రశ్న ఇది. ఇందుకు సమాధానం మరో వారం రోజుల్లో తెలియనుంది. ఆ విషయాన్ని ముందుగా తెలుసుకోవాలని అభిమానులు ఇప్పుడే టికెట్లను బుక్ చేసుకుంటున్నారు. ఈ క్రేజ్ ని క్యాష్ చేసుకోవడానికి నిర్మాతలు మహేష్ బాబు ప్లాన్ ని ఫాలో అవుతున్నారు. ప్రిన్స్ గత చిత్రం బ్రహ్మోత్సవాన్ని రోజుకి ఐదు ఆటలుగా ప్రదర్శించారు. అదే విధంగా బాహుబలి కంక్లూజన్ ని రోజుకి ఐదు షోలు వేసే విధంగా ప్రయత్నాలు మొదలెట్టారు.
ఏప్రిల్ 28 న బాహుబలి కంక్లూజన్ రిలీజ్ అయ్యే అన్ని థియేటర్లలో ఐదు షోలు వెయ్యడానికి అనుమతికోసం అధికారులతో చర్చలు నిర్వహిస్తున్నారు. తెలుగు రాష్ట్రాల్లోనే కాకుండా దేశం మొత్తం ఐదు షోలు వేసే విధంగా సంప్రదింపులు చేస్తున్నారు. ఈ ప్రయత్నాల్లో నిర్మాతలు విజయం సాధిస్తే తొలి రోజు బాహుబలి అత్యధిక కలక్షన్ రాబట్టే ఆస్కారం ఉంది.
Also, do SUBSCRIBE to our YouTube channel to get latest Tollywood updates.
