టాలీవుడ్ చరిత్రలో కనీ వినీ ఎరుగని ఓపెనింగ్స్ తో పాటు…కలక్షన్ల ప్రభంజనం సృష్టించి తెలుగు సినిమా ఖ్యాతిని దశ దిశలా వ్యాపింపజేసిన సినిమా ‘బాహుబలి-ద బిగినింగ్’. అయితే ఈ చిత్రాన్ని ఎవ్వరూ ఊహించని రీతిలో తెరకెక్కించాడు టాలీవుడ్ జక్కన్న రాజమౌళి. ఇక ఈ చిత్రం విడుదలయ్యి భారీ హిట్ తో పాటు, నిర్మాతలకు మంచి లాభాలను కూడా తెచ్చిపెట్టింది. ఇక అదే కసితో, అంతకు మించిన ఆత్మ విశ్వాసంతో రెండో పార్ట్ ను తెరక్కిస్తున్నాడు మన దర్శక ధీరుడు. ఇంతవరకూ బాగానే ఉంది కానీ…అసలు విషయం ఇక్కడే మొదలయింది. దాదాపుగా ఈ ఏడాది చివర్లోనే రిలీజ్ కావాల్సిన బాహుబలి2.. వచ్చే ఏడాదికి వాయిదా పడిపోయింది అని టాలీవుడ్ లో వార్తలు వినిపిస్తున్నాయి. దానికి గల కారణాలు ఏంటో అని ఆలోచిస్తే..కొన్ని ఆసక్తికర విషయాలు బయటకు వచ్చాయి…అవేమిటంటే…సినిమాకి కొన్ని ఫైనాన్స్ ప్రాబ్లెమ్స్ వచ్చినట్లు టాలీవుడ్ కోడై కూస్తుంది.
అంత భారీ వసూళ్లు సాధించిన ఆ సినిమాకు ఫైనాన్స్ ప్రాబ్లమ్స్ అంటే నమ్మలేము కదా, అసలు ట్విష్ట్ అదే….ఇంతకీ నిర్మాతలకు డబ్బు లేక కాదంట….. అసలు సమస్య అంతా యాక్టర్లతోనే వస్తోంది అంట. బాహుబలి రెండో భాగంలో నటించేందుకు తమకు చెల్లించే పారితోషికాన్ని యాక్టర్లు భారీగా డిమాండ్ చేస్తున్నారని టాక్ వినిపిస్తోంది. తొలిభాగం సాధించిన సక్సెస్ చూసిన తర్వాత.. ఇలా రెమ్యూనరేషన్ కోసం డిమాండ్లు పెరిగాయని అంటున్నారు.
మరి ఇలా డిమాండ్స్ పెరగడంతో కాంబినేషన్ ను సెట్ చేసే క్రమంలో సినిమా షూటింగ్ లేట్ అవుతుంది అని సమాచారం. ఏది ఏమైనా….ఈ వ్యవహారాన్ని త్వరగా క్లోస్ చేసి సినిమాను త్వరగా రిలీజ్ చెయ్యాలని శత విధాల ప్రయత్నాలు చేస్తున్నాడు మన దర్శకధీరుడు చూద్దాం ఏం జరుగుతుందో
Home