నందమూరి బాలకృష్ణ హీరోగా కె.ఎస్.రవికుమార్ డైరెక్షన్లో ఓ చిత్రం రూపొందనున్న సంగతి తెలిసిందే. సి.కళ్యాణ్ నిర్మిస్తున్న ఈ చిత్రానికి ‘రూలర్’ అనే టైటిల్ ను పరిశీలిస్తున్నారు. ఈ చిత్రంలో జగపతిబాబు విలన్ గా నటించనున్నాడు. బాలయ్య సినిమాలో జగపతి బాబు విలన్ గా చేయడం ఇది రెండో సారి కావడం విశేషం. గతంలో వచ్చిన బాలయ్య ‘లెజెండ్’ చిత్రంలో కూడా జగపతి బాబు విలన్ గా నటించాడు. ఇక ఈ చిత్రంలో బాలయ్య డ్యూయల్ రోల్ పోషిస్తున్నాడని తెలుస్తుంది. పోలీస్ ఆఫీసర్ గా కూడా బాలయ్య ఓ పాత్ర చేస్తున్నాడట.
ఇక ఈ చిత్రంలో ఇద్దరు హీరోయిన్లు ఉంటారని తెలుస్తుంది. తాజా సమాచారం ప్రకారం ఈ చిత్రంలో ఓ హీరోయిన్ గా ‘ఆర్.ఎక్స్.100’ ఫేమ్ పాయల్ రాజ్ పుత్ నటిస్తుందట. బాలయ్య గత చిత్రం ‘ఎన్టీఆర్ కథానాయకుడు’ చిత్రంలో కూడా పాయల్… బాలయ్యతో కలిసి నటించింది. అయితే అది గెస్ట్ రోల్ మాత్రమే. కానీ ఇప్పుడు బాలయ్య సరసన ఫుల్ లెంగ్త్ హీరోయిన్ గా నటిస్తుందట. పాయల్ ఇప్పటికే వెంకటేష్, రవితేజ వంటి సీనియర్ హీరోలతో నటిస్తుంది. ఇప్పుడు బాలయ్య వంటి మరో సీనియర్ హీరో సరసన కూడా నటిస్తుందన్న మాట.
