దేశవ్యాప్తంగా పాపులర్ అయిన ఇండియన్ ఐడల్ షోని తెలుగు వారి కోసం ‘ఆహా’ లో ప్రారంభించిన సంగతి తెలిసిందే. గాన గంధర్వులను వెలికి తీసే లక్ష్యంతో ఈ షోని ఆహా వారు ప్రారంభించారు.శ్రీరామ్ చంద్ర హోస్ట్ కాగా నిత్యా మేనన్,కార్తీక్, తమన్ లు న్యాయనిర్ణేతలుగా వ్యవహరిస్తున్నారు. తెలుగులో కూడా ఈ షో ప్రజాధారణ పొందింది. విజయవంతంగా 27 ఎపిసోడ్లు కంప్లీట్ అయ్యాయి 28వ ఎపిసోడ్ కు రంగం సిద్ధమైంది. ఆల్రెడీ ఎలిమినేషన్ ప్రక్రియలో భాగంగా 6 మంది సింగర్స్ ఎలిమినేట్ అవ్వడం జరిగింది.
ప్రస్తుతం 6 మంది సింగర్స్ మిగిలారు. వాళ్ళే లాలస, వాగ్దేవి, వైష్ణవి, ప్రణతి, జయంత్, శ్రీనివాస్. వీళ్ళలో మొదటి తెలుగు ఇండియన్ ఐడల్ టైటిల్ ను గెలుచుకునేదెవరో చూడాలి. ఇక ఈ టాప్ 6 కంటెస్టెంట్ లతో కలిసి సందడి చేసేందుకు బాలయ్య రావడం స్పెషల్ అట్రాక్షన్ గా నిలవనుంది. అవును సెమీ ఫినాలే ఎపిసోడ్ కు బాలయ్య గెస్ట్ గా విచ్చేశారు. ఈ షో చాలా బాగుందని,సమయం దొరికినప్పుడల్లా ఈ షో చూస్తుంటానని, అందరూ బాగా పాడుతున్నారని, అయితే సెమీ ఫైనల్ కాబట్టి 6 మంది కంటెస్టెంట్లలో షివరింగ్ ఉందని..
కాబట్టి.. దాన్ని పోగొట్టడానికి గెస్ట్ గా విచ్చేసినట్టు బాలయ్య చెప్పుకొచ్చారు. విన్నర్ కోసం ఓట్లు వేయడం మర్చిపోవద్దు అని కూడా ఆయన చెప్పుకొచ్చారు. ఈ ఎపిసోడ్ లో భాగంగా బాలయ్య అదిరిపోయే డ్యాన్స్ పెర్ఫార్మెన్స్ కూడా ఇచ్చినట్లు తెలుస్తుంది. ఈ ఎపిసోడ్ కు సంబంధించిన షూటింగ్ చిలకలూరి పేట లో జరిగింది. అక్కడికి ‘అఖండ’ 175 రోజుల ఫంక్షన్ కోసం విచ్చేసిన బాలయ్య.
అక్కడినుండి ఇండియన్ ఐడల్ ఫినాలే ఎపిసోడ్ జరుగుతున్న షూటింగ్ స్పాట్ కు వెళ్లినట్లు తెలుస్తోంది. బాలయ్య తెలుగు ఇండియన్ ఐడల్ లో సందడి చేసిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
