జగపతి బాబు ప్రధాన పాత్రలో ‘రుద్రంగి’ అనే సినిమా రూపొందింది. మమతా మోహన్ దాస్, విమలా రామన్ ఈ చిత్రంలో హీరోయిన్లు. బాహుబలి(సిరీస్) కి రైటర్ గా పనిచేసిన అజయ్ సామ్రాట్ ఈ చిత్రంతో దర్శకుడిగా పరిచయమవుతున్నారు. టీజర్, ట్రైలర్ చాలా కొత్తగా ఆకట్టుకునే విధంగా ఉన్నాయి. జూలై 7న ఈ సినిమా రిలీజ్ కాబోతోంది. ఈ చిత్రం ప్రీ రిలీజ్ ఈవెంట్ నిన్న హైదరాబాద్లో జరిగింది. బాలకృష్ణ ఈ వేడుకకి ముఖ్య అతిథిగా విచ్చేసి చిత్ర బృందానికి ఆల్ ది బెస్ట్ చెప్పారు.
బాలకృష్ణ (Balakrishna) మాట్లాడుతూ.. “సినిమా కథని, పాత్రలను ప్రేక్షకులు ఓన్ చేసుకునే సినిమాలు కొన్ని ఉంటాయి. అందులో ‘రుద్రంగి’ ఒకటి. తన పాత్ర కోసమే ప్రేక్షకులు థియేటర్లకి వచ్చేలా జగపతి బాబు సినిమాలు చేశారు. ‘లెజెండ్, ‘రంగస్థలం’, ‘అఖండ’ వంటి చిత్రాల్లో అతని నటన అద్భుతం. నటన అంటే ఎంపిక చేసుకున్న పాత్రల్లో పరకాయ ప్రవేశం చేయడం. క్యారెక్టర్లలో జీవిండచం గొప్ప.. నటించడం కాదు. టాలీవుడ్లోనే కాదు ఇండియన్ సినిమాల్లోనే గొప్ప నటుడు మా జగపతి బాబు.
పరిస్థితులు అప్పటికీ ఇప్పటికీ చాలా మారాయి. ఇండస్ట్రీ మనుగడ కోసం ఇప్పుడు మేము కష్టపడి పనిచేస్తున్నాం. చిత్ర పరిశ్రమ బాగుండాలనేదే మా కోరిక. చిన్నా పెద్దా అన్ని సినిమాలు విజయం సాధించాలి. ప్రేక్షకులు మాకోసం థియేటర్లకు వచ్చి సినిమాలు చూస్తున్నారంటే అందుకు కారణం రచయితలు, దర్శకులు, నిర్మాతలు. వారి వల్ల మాత్రమే ఇండస్ట్రీ బతుకుతుంది. ‘రుద్రంగి’ సినిమా గొప్ప విజయం సాధించాలని, ఆ భగవంతుడి ఆశీస్సులు మా జగపతి బాబు పై ఉండాలని మనస్ఫూర్తిగా కోరుకుంటున్నాను” అంటూ చెప్పుకొచ్చారు.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
Home
