Balakrishna: ఆ మూవీ రిజల్ట్ బాలయ్యకు ముందే తెలుసా?

స్టార్ హీరో నందమూరి బాలకృష్ణ హీరోగా నటించిన సినిమాలలో ఎన్నో సినిమాలు సక్సెస్ సాధించాయి. అయితే తిరగబడ్డ తెలుగుబిడ్డ పేరుతో తెరకెక్కిన సినిమా మాత్రం ఫ్లాప్ అవుతుందని బాలకృష్ణ ముందే ఊహించగా ఆయన అంచనా ఏ మాత్రం తప్పలేదు. బాలకృష్ణ తనకు కథ నచ్చకపోయినా సీనియర్ ఎన్టీఆర్ కు ఆ సినిమా కథ నచ్చడంతో గ్రీన్ సిగ్నల్ ఇవ్వాల్సి వచ్చింది. కోదండ రామిరెడ్డి ఈ సినిమాకు దర్శకత్వం వహించారు. బాలయ్య కోదండ రామిరెడ్డి కాంబినేషన్ లో మొదట అనసూయమ్మ గారి అల్లుడు సినిమా తెరకెక్కి హిట్టైంది.

పరుచూరి బ్రదర్స్ తిరగబడ్డ తెలుగుబిడ్డ కథ చెప్పగా ఆ కథ కోదండ రామిరెడ్డికి నచ్చలేదు. ఆ తర్వాత నచ్చకపోతే వదిలేయండని సీనియర్ ఎన్టీఆర్ అన్నారు. పరుచూరి బ్రదర్స్ పెద్దాయనతో అలా చెప్పారేంటని అడగగా కథ నాకు నచ్చలేదని ఎన్టీఆర్ కు అదే చెప్పానని కోదండ రామిరెడ్డి చెప్పుకొచ్చారు. ఆ తర్వాత సీనియర్ ఎన్టీఆర్ కోదండ రామిరెడ్డికి ఫోన్ చేసి తనకు కథ నచ్చిందని బాలయ్యతో సినిమా తీయాలని కోరారు. తండ్రిపై ఉన్న గౌరవంతో కథ నచ్చకపోయినా బాలయ్య ఒప్పుకున్నారు.

ఒక సీన్ తెరకెక్కిస్తున్న సమయంలో కోదండ రామిరెడ్డి మరో టేక్ చేద్దామని చెప్పగా ఫ్లాపయ్యే సినిమాకు మరో టేక్ ఎందుకని బాలయ్య కామెంట్ చేశారు. కోదండ రామిరెడ్డి ఒక ఇంటర్వ్యూలో ఈ విషయాన్ని వెల్లడించారు. ప్రస్తుతం బాలకృష్ణ అఖండ సినిమాలో నటిస్తుండగా దసరా కానుకగా ఈ సినిమా రిలీజ్ కానుందని తెలుస్తోంది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!