అఖిల్ సినిమాపై బాలకృష్ణ విసుర్లు

అక్కినేని ప్రిన్స్ అఖిల్ నటించిన అఖిల్ మూవీ పై నందమూరి బాలకృష్ణ కౌంటర్ వేశారు. తన వందో చిత్రం గౌతమి పుత్ర శాతకర్ణి ప్రమోషనలో భాగంగా ఓ ఇంటర్వ్యూ లో మాట్లాడుతూ పరోక్షంగా అఖిల్ ని విమర్శించారు. శాతకర్ణి గురించి చెప్పాల్సిన ఆయన అఖిల్ ప్రస్తావన ఎందుకు తీసుకొచ్చారని అనుమానంగా ఉంది కదూ… అయితే విషయంలోకి వెళ్లాల్సిందే..  కొంతకాలంగా బాలకృష్ణ తనయుడు మోక్షజ్ఞ చిత్ర రంగ ప్రవేశం చేయడానికి అన్ని ఏర్పాట్లు జరుగుతున్నాయి. మోక్షజ్ఞ తమ బ్యానర్లో తొలి చిత్రం చేస్తారని సాయి కొర్రపాటి స్పష్టం చేశారు కూడా.  ఈ విషయాన్ని బాలయ్య ముందు ఉంచగా…. వారసత్వాన్ని అందుకోవడమంటే అంత తేలిక కాదని చెప్పారు. తొలి చిత్రంతోనే కోట్లు కొల్లగొట్టేయడం కాదని వివరించారు. ఎవరో చెప్పారని తొందరపడి ప్రపంచాన్ని రక్షించే కథతో సినిమా చేయకూడదని పరోక్షంగా అఖిల్ ని విమర్శించారు.

“నందమూరి పరువు, ప్రతిష్టను కొనసాగించే బాధ్యత మోక్షజ్ఞకు ఉంది. అందుకు తగినట్లుగా కథలు ఎంచుకోవాలి. ఆ కథల్లో మెప్పించేలా నటించాలి. స్టోరీలు సిద్ధంగా ఉన్నాయి. మోక్షు కు ఇంకొంత సమయం పడుతుంది. అతను సిద్ధం కాగానే సినిమా మొదలు పెడతాం” అని స్పష్టం చేశారు. ఎవరో  తొందర పెట్టినంత మాత్రానా మేము హడావిడి పడమని తెలిపారు. అఖిల్ లాంటి సినిమాను తీసి అపజయాన్ని మూటకట్టుకోవడం కంటే అలోచించి అడుగు వేయడమే మంచిదని చెప్పకనే చెప్పారు.

Also, do SUBSCRIBE to our YouTube channel to get latest Tollywood updates.