బాలకృష్ణ హీరోగా అనిల్‌ రావిపూడి దర్శకత్వంలో తెరకెక్కిన చిత్రం ‘భగవంత్‌ కేసరి’ కాజల్‌, శ్రీలీల కీలక పాత్రలు పోషించారు. దసరా కానుకగా విడుదలైన ఈ సినిమాకి ప్రేక్షకుల నుంచి విశేష స్పందన వచ్చిన నేపథ్యంలో చిత్ర బృందం హైదరాబాద్‌లో వేడుక నిర్వహించింది. కె రాఘవేంద్రరావు, నిర్మాత అంబికా కృష్ణ ముఖ్య అతిథులుగా హాజరై చిత్ర బృందానికి జ్ఞాపికలు అందజేశారు. ఈ సందర్భంగా బాలకృష్ణ మాట్లాడుతూ ‘‘తెలుగు, ప్రేక్షకులకి ప్రత్యేకమైన అభిలాష, అభిరుచి ఉంటుంది.
ప్రముఖ దర్శకుడు, దివంగత దాసరి నారాయణరావును గుర్తు చేసుకున్నారు నందమూరి బాలకృష్ణ. ‘ఆయన లేని లోటు పరిశ్రమలో ఉంది. ఆయన కూడా ఉండి ఉంటే ఎంత బాగుండేది! పరిశ్రమకు పెద్దదిక్కుగా, తలలో నాలుకలా ఉండేవారంటూ’ భావోద్వేగానికి లోనయ్యారు. నాన్నగారితో ఎన్నో సినిమాలు తెరకెక్కించిన రాఘవేంద్రరావు గారు ఈ కార్యక్రమానికి రావడంతో నిండుదనం వచ్చింది అని అన్నారు. వైవిధ్యమైన పాత్రల్ని చేసే దమ్ము, ధైర్యం, నమ్మకం మా నాన్న నుంచి వచ్చిన వారసత్వం.
నా సినిమాలతో నా సినిమాలకే పోటీ. ఏదైనా సందేశం ఇవ్వాలంటే సినిమాను మించిన మీడియా ఏదీ లేదు. నా వరకూ మూడు తరాలుగా ప్రేక్షకుల ప్రశంసలు పొందుతున్నానంటే నా పూర్వజన్మ సుకృతం. చేసే విభిన్నమైన పాత్రలు, నిర్మాతలకి నాపైన ఉన్న నమ్మకం, దర్శకులు నన్ను మలిచే కోణం, రచయితలు నాతో పలికించే మాటలు వీటన్నిటి ఫలితమే ఈ సక్సెస్‌. మాలో చాలా మందికి ఈ సినిమా ప్రత్యేకం.
‘అఖండ,’ ‘వీరసింహారెడ్డి’, ‘భగవంత్‌ కేసరి’ నాకు సవాల్‌ విసిరిన సినిమాలే. బాలకృష్ణ (Balakrishna) సినిమా అంటే వేరు. షడ్రుచులు ఉండాలి, అలాంటి సినిమాని అనిల్‌ రావిపూడి ఇచ్చారు. ఒక మంచి సందేశం ఇస్తున్నాం అన్నప్పుడు దేనికేౖనా సిద్థపడాలి. అందుకే నేను చిచ్చాగా నటించా. అలాంటప్పుడే మనం చెప్పింది ప్రజల్లోకి బలంగా వెళుతుంది. ఈ సినిమా విషయంలో డిస్ట్రిబ్యూటర్స్ చాలా సంతోషంగా ఉన్నారు. వాళ్లు ఆనందంగా ఉంటేనే పరిశ్రమ బాగుంటుంది. ఈ చిత్రం హిందీలోనూ విడుదలవుతుంది. నా పాత్రకు నేనే డబ్బింగ్‌ చెప్పా’’ అని అన్నారు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
