Balayya Babu: బాలయ్య అంటే ఇంత అభిమానమా… ఈసారైనా పెళ్లికి వస్తారా?

సాధారణంగా సినిమా హీరోలకు అభిమానులు ఉంటారు అనే విషయం మనకు తెలిసిందే అయితే ఆ అభిమానం ఒక్కసారి తలకెక్కింది అంటే అభిమాన హీరోల కోసం ఎంతటికైనా తెగించేస్తారు. ఇలా స్టార్ హీరోలను అభిమానించే అభిమానులు కొన్నిసార్లు వారి హీరోల విషయంలో మొండిగా కూడా ప్రవర్తిస్తూ ఉంటారు.ఇలా మొండిగా ప్రవర్తిస్తూ పెద్ది నాయుడు అనే ఒక అభిమాని బాలయ్య తన పెళ్లికి రావాలన్న పంతంతో మూడు సంవత్సరాలుగా పెళ్లి వాయిదా వేసుకుంటున్న ఘటన అందరినీ ఆశ్చర్యానికి గురిచేస్తుంది. విశాఖపట్నం పెందుర్తికి చెందిన పెద్ది నాయుడు అనే యువకుడు బాలయ్యకు వీరాభిమాని.

ఈయనకు గౌతమీ ప్రియ అనే అమ్మాయితో 2019లో వివాహం నిశ్చయమై అదే ఏడాదిన నిశ్చితార్థం కూడా జరిగింది.ఇక పెళ్లి కూడా అదే ఏడాది పెట్టుకున్నారు కానీ తన పెళ్లికి బాలయ్య రావాలని పట్టుబట్టిన పెద్ది నాయుడు బాలయ్య ఫ్యాన్స్ అసోసియేషన్ ద్వారా తన పెళ్లికి బాలయ్యను ఆహ్వానించారు. అయితే బాలకృష్ణ ఇతర కారణాలవల్ల ఈయన పెళ్లికి రాలేకపోయారు. తద్వారా బాలకృష్ణ రాకపోవడంతో ఏకంగా తన పెళ్లిని వాయిదా వేసుకున్నాడు. ఇలా ఒకసారి వాయిదా పడిన తర్వాత తిరిగి కరోనా వచ్చింది కరోనా రావడంతో ఇతని పెళ్లి కూడా వాయిదా పడింది.

కరోనా తర్వాత మరో రెండు సార్లు పెళ్లి ముహూర్తాలు పెట్టుకున్న రెండుసార్లు ఆహ్వానించిన బాలకృష్ణ రాలేదు. బాలయ్య వస్తేనే మూడు ముళ్ళు వేస్తానని వరుడు పెద్ది నాయుడు భీష్మించుకొని కూర్చున్నాడు. ఇలా తాజాగా మరొక ముహూర్తంలో కూడా బాలకృష్ణ రాకపోవడంతో ఆయన పెళ్లి వాయిదా వేసుకున్నారు. ఇలా ఈ అభిమాని చేసిన పనికి అందరూ ఆశ్చర్యపోతున్నారు అయితే బాలయ్య తప్పనిసరిగా వస్తానని హామీ ఇవ్వడంతోనే ఈయన మార్చి 11వ తేదీ తన పెళ్లిని నిశ్చయించుకున్నారు.

తప్పకుండా బాలయ్య వస్తానని హామీ ఇవ్వడంతో ఆయనకు ఘనస్వాగతం పలకడం కోసం రెండు కుటుంబ సభ్యులు ఘనంగా ఏర్పాటు చేస్తున్నారు.ఇలా ఈ పెళ్లి మూడు సంవత్సరాలుగా వాయిదా వేస్తూ ఉన్నప్పటికీ వధువు కుటుంబ సభ్యులకు కూడా ఈయనకు సపోర్ట్ చేశారు. అందుకు గల కారణం వధువు కూడా బాలకృష్ణకు పిచ్చభిమాని కావడమే.ఇలా రెండు కుటుంబ సభ్యులు బాలయ్యకు వీరాభిమానులు కావడంతో బాలకృష్ణ రాక కోసం మూడు సంవత్సరాలుగా వీరి వివాహాన్ని రద్దు చేస్తూ ఉండడం అందరిని ఆశ్చర్యానికి గురిచేస్తుంది.

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!