యంగ్ టైగర్ అభిమానులు మూడు నెలలుగా ఎదురుస్తున్న సినిమా షూటింగ్ నేడు మొదలయింది. త్రివిక్రమ్ శ్రీనివాస్ దర్శకత్వంలో ఎన్టీఆర్ చేయనున్నమూవీకి మూడు నెలలక్రితం పూజా కార్యక్రమాలు జరిగాయి. రెగ్యులర్ షూటింగ్ మొదలవడానికి కొంచెం ఆలస్యం అయింది. లేట్ గా మొదలయినా రిలీజ్ డేట్ ముందే చెప్పేయడంతో ఫ్యాన్స్ సంతోషంగా ఉన్నారు. అంతేకాదు అప్పుడు స్టార్ హీరోల సినిమాలు రిలీజ్ కావడం లేదు. రామ్ చరణ్, బోయపాటి శ్రీను సినిమా షూటింగ్ జరుపుంటునప్పటికీ ఆ సమయానికి రాదు. మహష్ బాబు, అల్లు అర్జున్ కొత్త సినిమాలు స్టార్ట్ కావాలి.
ప్రభాస్, చిరంజీవి సినిమాలు ఇప్పట్లో వచ్చేలా కనిపించడం లేదు. ఆ సీజన్ లో బాలకృష్ణ మాత్రమే రానున్నారు. అది కూడా మహానటుడు నందమూరి తారకరామారావు బయోపిక్ మూవీతో. ఒకటి సీనియర్ ఎన్టీఆర్ గురించి అయితే.. మరొకటి జూనియర్ ఎన్టీఆర్ మూవీ. సో దసరా నందమూరి అభిమానులకు డబల్ ఆనందాన్ని పంచనుంది. అయితే బాబాయ్.. అబ్బాయిల్లో ఎవరు ముందు వస్తారనేది సస్పెన్స్. అబ్బాయి కోసం బాబాయి ఒక వారం వెనక్కి తగ్గుతారా? లేకుంటే బాబాయి సినిమా ఎక్కువ కలక్షన్స్ రావాలని అబ్బాయే ఆగుతాడా? అనేది ఆసక్తికరంగా మారింది.
