‘క్రాక్‌’ సినిమా విజయం వెనుక హీరో, దర్శకుడు, కథ, నటీనటులు… ఇలా చాలామంది ఉన్నారు. అయితే అందులో కీలకమైన పాయింట్‌ బ్యాక్‌డ్రాప్‌. సినిమాను ప్రకాశం జిల్లా వేటపాలెం బ్యాక్‌డ్రాప్‌లో తెరకెక్కించి కొత్తదనం చూపించే ప్రయత్నం చేశాడు దర్శకుడు గోపీచంద్ మలినేని. ఆ పాయింట్‌కు ప్రేక్షకులు బాగా కనెక్ట్‌ అయ్యారు. దీంతో మరోసారి అలాంటి కథ కోసం గోపీచంద్ వేటలో పడ్డాడని తెలుస్తోంది. తన తర్వాతి సినిమా కోసం ఈ పాయింట్‌ను బేస్‌ చేసుకొని కథ రాసుకుంటున్నాడట.
గోపీచంద్ తన తర్వాతి సినిమా నందమూరి బాలకృష్ణతో చేస్తున్న విషయం తెలిసిందే. మైత్రీ మూవీ మేకర్స్‌ ఈ సినిమాను నిర్మించనుంది. ప్రస్తుతం ఈ సినిమా ప్రీ ప్రొడక్షన్‌ పనుల్లో గోపీచంద్ బిజీగా ఉన్నాట. దీని కోసం ఆయన వేటపాలెం ఊర్లో ఉంటున్నాడట. దాదాపు వందేళ్ల చరిత్ర ఉన్న లైబ్రరీ వేటపాలెంలో ఉంది. అక్కడే ఎక్కువ సమయాన్ని గడిపి, ఆసక్తికరమైన విషయాలను సేకరిస్తున్నాడట. అయితే గోపీచంద్ ఏ విషయాలను కోసం పరిశీలిస్తున్నాడనేది తెలియరావడం లేదు.
‘క్రాక్‌’లో వేటపాలెం బ్యాక్‌డ్రాప్‌ సీన్స్‌లో క్రూర మృగాలు లాంటి మనషులను చూపిస్తారు. ఆ సీన్స్‌ ఊరకే రాసుకోలేదని, గతంలో ఆ ప్రాంతంలో అలాంటి వారు ఉండేవారని అంటుంటారు. బాలకృష్ణ సినిమా వాటి ప్రధానంగా ఉంటుందని సమాచారం. దాంతోపాటు ఒంగోలులో జరిగిన రౌడీల ఆగడాల కూడా ఇందులో చూపిస్తాడట. ‘అఖండ’ సినిమా పనులు పూర్తయ్యాక గోపీచంద్ సినిమా మొదలవుతుందని అన్నారు. అయితే కరోనా పరిస్థితుల నేపథ్యంలో ఇది ఆలస్యమయ్యేలా ఉంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home