మంచోడి కోసం కదిలి వస్తున్న బాబాయ్, అబ్బాయ్..!

బాలయ్య, ఎన్టీఆర్ ఈ ఏడాది కూడా ఒకే స్టేజీ పై కనిపించనున్నారా..? అవుననే అంటున్నాయి ఫిలింనగర్ వర్గాలు. విషయంలోకి వెళితే కళ్యాణ్ రామ్ హీరోగా నటిస్తున్న తాజా చిత్రం ‘ఎంత మంచివాడవురా’ ప్రీ రిలీజ్ ఈవెంట్ 2020 జనవరి 8న జరుగనుంది. ఈ వేడుకకి ముఖ్య అతిధులుగా బాలకృష్ణ అలాగే ఎన్టీఆర్ లు హాజరు కాబోతున్నట్టు తెలుస్తుంది. ఈ వార్త నిజంగానే నందమూరి అభిమానులకి నూతన ఉత్సాహం నింపుతుంది అనడంలో ఎటువంటి సందేహం లేదు.

గతంలో ఎన్టీఆర్ ‘అరవింద సమేత’ సక్సెస్ మీట్ కు బాలయ్య హాజరయ్యాడు. అంతేకాదు ‘ఎన్టీఆర్ కథానాయకుడు’ ప్రీ రిలీజ్ ఈవెంట్ కు కూడా ఎన్టీఆర్ ముఖ్య అతిధిగా హాజరయ్యాడు. అటు తరువాత ‘118’ ప్రీ రిలీజ్ ఈవెంట్ కు కూడా మరోసారి ఎన్టీఆర్, బాలయ్య హాజరయ్యి సందడి చేశారు. ఇక ఇప్పుడు మరోసారి ‘ఎంత మంచివాడవురా’ ప్రీ రిలీజ్ ఈవెంట్ లో సందడి చేయబోతున్నారన్న మాట. ఇక సతీష్ వేగేశ్న డైరెక్షన్లో తెరకెక్కుతోన్న ఈ చిత్రం జనవరి 15న విడుదల కాబోతుంది.

ఈ ఏడాది ఓవర్సీస్ లో అత్యధిక కలెక్షన్లు రాబట్టిన సినిమాలు!
2019లో మరణించిన తారలు?
ఈ ఏడాది డిజాస్టర్ సినిమాలు ఇవే..?