ఆహా ఓటీటీలో బాలయ్య హోస్ట్ గా అన్ స్టాపబుల్ విత్ ఎన్బీకే కార్యక్రమం మొదలవుతుందని ప్రచారం జరిగిన సమయంలో పాజిటివ్ కామెంట్ల కంటే నెగిటివ్ కామెంట్లు ఎక్కువగా వినిపించాయి. అన్ స్టాపబుల్ షోకు బాలయ్య హోస్ట్ గా సూట్ కారని హోస్ట్ ఎంపిక విషయంలో ఆహా నిర్వాహకులు తప్పు చేస్తున్నారని మరి కొందరు కామెంట్లు చేశారు. అయితే అంచనాలకు భిన్నంగా బాలయ్య అన్ స్టాపబుల్ షోను సక్సెస్ ఫుల్ గా హోస్ట్ చేసి ప్రశంసలు అందుకున్నారు.
అన్ స్టాపబుల్ సీజన్2 కోసం ఆహా ఓటీటీ అభిమానులు సైతం ఆసక్తిగా ఎదురుచూస్తున్నారు. సమంత హోస్ట్ గా వ్యవహరించిన సామ్ జామ్ షోతో పోల్చి చూస్తే అన్ స్టాపబుల్ షోకే మంచి మార్కులు పడ్డాయి. అయితే అన్ స్టాపబుల్ సీజన్1 కు తక్కువ మొత్తం పారితోషికం తీసుకున్న బాలయ్య సీజన్2 కు మాత్రం భారీ మొత్తంలో రెమ్యునరేషన్ డిమాండ్ చేస్తున్నారని సమాచారం అందుతోంది. అఖండ సక్సెస్ తో ప్రేక్షకుల్లో బాలయ్యకు క్రేజ్ మరింత పెరిగిందనే సంగతి తెలిసిందే.
బాలయ్య ప్రస్తుతం గోపీచంద్ మలినేని డైరెక్షన్ లో తెరకెక్కే సినిమాతో బిజీగా ఉన్నారు. బాలయ్యతో సినిమాలను తెరకెక్కించడానికి స్టార్ డైరెక్టర్లు సైతం ఆసక్తి చూపిస్తున్నారు. అన్ స్టాపబుల్ సీజన్1 కు తీసుకున్న మొత్తంతో పోల్చి చూస్తే బాలయ్య దాదాపుగా డబుల్ అమౌంట్ డిమాండ్ చేస్తున్నారని సమాచారం అందుతోంది. బాలయ్య డిమాండ్ కు అల్లు అరవింద్ అంగీకరిస్తారో లేదో చూడాల్సి ఉంది. అయితే బాలయ్య వల్ల ఆహా ఓటీటీకి ఊహించని స్థాయిలో సబ్ స్క్రైబర్ల సంఖ్య పెరిగింది.
అందువల్ల బాలయ్య అడిగిన రెమ్యునరేషన్ కు ఆహా నిర్వాహకులు నో చెప్పే ఛాన్స్ అయితే ఉండదు. మరోవైపు బాలయ్య తర్వాత ప్రాజెక్ట్ లతో కూడా విజయాలు అందుకోవాలని ఫ్యాన్స్ కోరుకుంటున్నారు. బాలయ్య భవిష్యత్తు ప్రాజెక్టులన్నీ భారీ బడ్జెట్ తో తెరకెక్కుతున్నాయి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home