చిరు-బాలయ్య మధ్య కోల్డ్ వార్ నడుస్తుందా?

May 28, 2020 / 05:23 PM IST

Join Us

చిరు-బాలయ్య మధ్య కోల్డ్ వార్ నడుస్తుందా?

కొరోనా క్రైసిస్ ఏర్పడిన నాటి నుండి టాలీవుడ్ లో కొన్ని ఆసక్తికర సంఘటనలు చోటు చేసుకున్నాయి. చిరంజీవి నేతృత్వంలో కరోనా క్రైసిస్ చారిటి పేరుతో ఓ సంస్థను ఏర్పాటు చేసి విరాళాల సేకరించడం జరిగింది. దీనికి బాలయ్య కూడా తన వంతు విరాళం ఇచ్చారు. ఐతే ఆ చెక్ ఆయన చిరంజీవికి కాకుండా నిర్మాత సి కళ్యాణ్ కి అందజేశారు. కొద్దిరోజుల క్రితం చిరు ఇంటిలో మంత్రి తలసాని యాదవ్ ని చిత్ర ప్రముఖులు కలిశారు. ఈ మీటింగ్ లో కూడా బాలకృష్ణ కనబడలేదు.

వేరే పనులలో బాలకృష్ణ బిజీగా ఉండడం వలన రాకపోయి ఉంటారు అని కొందరు భావించారు. చిరు మరియు కొందరు సి ఎమ్ కేసీఆర్ అని కలిశారు. ఆ మీటింగ్ కి కూడా బాలయ్య హాజరు కాలేదు . ఇదంతా యాదృచ్చికం కాదని, బాలయ్య కావాలనే అవైడ్ చేస్తున్నాన్నారని ఆయన తాజా వ్యాఖ్యలతో తెలిసింది. ఎన్టీఆర్ జయంతి సంధర్భంగా మీడియాతో మాట్లాడిన బాలకృష్ణ నాకు ఎటువంటి మీటింగ్స్ గురించి తెలియదు అన్నారు. అంటే చిరంజీవి అందరితో పాటు బాలయ్యకు ఆహ్వానం పంపడం లేదా లేక పంపినా ఆయన రావడం లేదా అనేది తెలియాలి.

ఒక వైపు బాలయ్యకు కొందరు ప్రాధాన్యం ఇవ్వడం లేదని ప్రచారం జరుగుతుంటే, మరి కొందరు బాలయ్యే వారికి దూరంగా ఉంటున్నాడని అంటున్నారు. ఏది ఏమైనా టాలీవడ్ లో గ్రూపు రాజకీయాలు జరుగుతున్నాయని మాత్రం అర్థం అవుతుంది. ఇక సి కళ్యాణ్ మాత్రం టాలీవుడ్ లో అందరూ ఒకటే, గ్రూపులు లేవు అని బాలయ్య వ్యాఖ్యలకు సమాధానం చెప్పారు.