నందమూరి ఫ్యాన్స్కు పూనకాలు తెప్పించే ఓ క్రేజీ అప్డేట్ ఇప్పుడు ఫిల్మ్ నగర్లో హాట్ టాపిక్గా మారింది. అప్పట్లో బాలయ్యకు ‘సింహ’ లాంటి బ్లాక్బస్టర్ కథను అందించారు కొరటాల శివ. ఇప్పుడు ఆయన్నే హీరోగా పెట్టి ఓ సినిమా డైరెక్ట్ చేయడానికి సిద్ధమయ్యారు.
కొరటాల శివ సినిమా అంటేనే కమర్షియల్ హంగులతో పాటు ఓ బలమైన సామాజిక సందేశం కచ్చితంగా ఉంటుంది. దానికి బాలయ్య ఊరమాస్ ఇమేజ్ తోడైతే ఎలా ఉంటుందో.. ఈ ప్రాజెక్ట్ సరిగ్గా అలాగే ఉండబోతోందట. రీసెంట్గా జరిగిన ఫస్ట్ సిట్టింగ్లోనే కొరటాల చెప్పిన ఈ పవర్ ఫుల్ యాక్షన్ డ్రామా బాలయ్యకు విపరీతంగా నచ్చేయడంతో వెంటనే గ్రీన్ సిగ్నల్ ఇచ్చినట్లు ఇన్సైడ్ టాక్. ఈ మూవీ కోసం బాలకృష్ణ మునుపెన్నడూ చూడని ఓ సరికొత్త లుక్ను డిజైన్ చేసే పనిలో ఉన్నారు మేకర్స్.
ఇక ఈ ప్రాజెక్ట్ 2027 సంక్రాంతి బరిలో దిగబోతోందంటూ సోషల్ మీడియాలో ఓ రేంజ్లో ప్రచారం జరుగుతోంది. కానీ అందులో ఎలాంటి నిజం లేదని.. పక్కా ప్లానింగ్తో సమ్మర్ కానుకగా థియేటర్లలోకి తీసుకురావాలని మేకర్స్ ఫిక్స్ అయ్యారట. సుధాకర్ చెరుకూరి, సుధాకర్ మిక్కిలినేని సంయుక్తంగా నిర్మిస్తున్న ఈ భారీ ప్రాజెక్ట్పై వచ్చే నెలలో (మే) అఫీషియల్ అనౌన్స్మెంట్ రానుంది.
ప్రస్తుతం ఫైనల్ స్క్రిప్ట్, ప్రీ-ప్రొడక్షన్ పనుల్లో బిజీగా ఉన్న కొరటాల.. ఆగస్టు నుంచి రెగ్యులర్ షూటింగ్ స్టార్ట్ చేసి, వచ్చే ఏడాది ఫిబ్రవరి నాటికి గుమ్మడికాయ కొట్టేయాలని టార్గెట్గా పెట్టుకున్నారు.2027 సమ్మర్ కి ఈ సినిమాని విడుదల చేయాలి అనే ఆలోచనలో కూడా ఉన్నట్టు తెలుస్తోంది.అతి త్వరలోనే మిగతా కాస్ట్ అండ్ క్రూ డీటెయిల్స్ వెల్లడించనున్నారు.
