నందమూరి మూడోతరం నటవారసుడు మోక్షజ్ఞ (Mokshagnya) తెరంగేట్రం ఎప్పుడెప్పుడా అని నందమూరి అభిమానులతోపాటు ఇండస్ట్రీ వర్గాలు కూడా ఎప్పటినుండో ఆత్రంగా ఎదురుచూస్తున్నారు. గత ఏడేళ్లుగా అదిగో, ఇదిగో అంటూ ఊరిస్తున్నారే తప్ప సినిమా ఎవరితో, ఎప్పడు విడుదల అనే విషయాన్ని ఈరోజు వరకు కన్ఫర్మ్ చేయలేదు. రెండేళ్ల క్రితం బోయపాటి దర్శకత్వంలోనే మోక్షజ్ఞ ఎంట్రీ ఉంటుంది అనధికారిక వార్త హల్ చల్ చేసింది, బోయపాటి (Boyapati Srinu) కూడా చూచాయిగా కన్ఫర్మ్ చేశాడు. కట్ చేస్తే.. అది మెటీరియలైజ్ అవ్వలేదు.
ఎట్టకేలకు.. ఇవాళ నందమూరి మోక్షజ్ఞ తేజ (Mokshagnya) 30వ పుట్టినరోజు సందర్భంగా డెబ్యూ సినిమా ఫస్ట్ లుక్ ను విడుదల చేసారు. ప్రశాంత్ వర్మ (Prasanth Varma) దర్శకత్వంలో ఎస్.ఎల్.వి సినిమాస్ మరియు లెజెండ్ ప్రొడక్షన్స్ బ్యానర్స్ సంయుక్త నిర్మాణ సారథ్యంలో తెరకెక్కుతున్న ఈ చిత్రం ఫస్ట్ లుక్ ను విడుదల చేసారు.
నిన్నమొన్నటివరకు మోక్షజ్ఞ లుక్స్ పై ఉన్న అనుమానాలన్నీ తీరిపోయేలా చేసింది ఫస్ట్ లుక్. స్లిమ్ గా, స్మార్ట్ గా ఉన్న మోక్షజ్ఞ లుక్ నందమూరి అభిమానులను మాత్రమే కాదు ఇండస్ట్రీ వర్గాలను కూడా ఆశ్చర్యపరిచి.. కుర్రాడు కన్ఫర్మ్ గా సక్సెస్ అవుతాడు అనే సంకేతాన్ని ఇచ్చింది.
ఇకపోతే.. ఈ సినిమా ప్రశాంత్ వర్మ మొదలుపెట్టిన “పివిసియు- ప్రశాంత్ వర్మ సినిమాటిక్ యూనివర్స్”లో భాగమని ఎనౌన్స్ చేయడం సినిమాపై అప్పుడే మంచి అంచనాలు నమోదయ్యేలా చేసింది. మైథలాజికల్ రిఫరెన్సులతో, మోడ్రన్ ఫార్మాట్ లో సినిమా ఉంటుందని బృంద అఫీషియల్ గా ఎనౌన్స్ చేయడంతో సినిమా టైటిల్ ఏమై ఉంటుందా అనే చర్చ కూడా మొదలైంది. నిన్న “సింబా” అని పోస్టర్ రిలీజ్ చేసినప్పుడు అదే టైటిల్ అయ్యుంటుంది అనుకున్నారు చాలామంది. అయితే.. అది కేవలం సింహం పిల్ల వస్తోంది అని కన్ఫర్మ్ చేయడానికి మాత్రమే వాడిన పదం అని అర్థమవుతోంది. ఇకపోతే.. ఈ చిత్రంలో శ్రీలీల (Sreeleela) కథానాయికగా కనిపించే అవకాశాలు పుష్కలంగా ఉన్నాయి. మొత్తానికి.. మోక్షజ్ఞ లేట్ అయినా లేటెస్ట్ గా ఎంట్రీ ఇస్తున్నాడు!
