Balakrishna: సినారె జీవన సాఫల్య పురస్కారం అందుకోనున్న బాలయ్య?

July 28, 2022 / 06:04 PM ISTByFilmy Focus

Join Us

Balakrishna: సినారె జీవన సాఫల్య పురస్కారం అందుకోనున్న బాలయ్య?

నందమూరి నటసింహం బాలకృష్ణ ప్రస్తుతం వరుస సినిమాలతో ఎంతో బిజీగా గడుపుతున్నారు. తాజాగా ఈయన నటించిన ఆఖండ సినిమా అద్భుతమైన విజయం అందుకోవడంతో ఈయన ప్రస్తుతం వరుస సినిమాలకు గ్రీన్ సిగ్నల్ ఇచ్చి సినిమా షూటింగులతో బిజీగా ఉన్నారు. ఇదిలా ఉండగా బాలయ్యకు అరుదైన పురస్కారం లభించడంతో నందమూరి అభిమానులు ఎంతో సంతోషం వ్యక్తం చేస్తున్నారు. మహాకవి సి నారాయణరెడ్డి 91వ జయంతి వేడుకల సందర్భంగా బాలకృష్ణకు సినారె జీవన సాఫల్య జాతీయ స్వర్ణ కంకణ పురస్కారం చేయనున్నట్లు ప్రకటించారు.

సి నారాయణరెడ్డి జయంతి ఉత్సవాల సందర్భంగా జులై 30వ తేదీ రవీంద్రభారతిలో బాలయ్యను ఈ గౌరవంతో సత్కరించనున్నారు. ఇకపోతే ఈ కార్యక్రమానికి మహారాష్ట్ర మాజీ గవర్నర్ సిహెచ్ విద్యాసాగర్ రావు హాజరుకానున్నట్లు తెలుస్తోంది. ఇక నందమూరి బాలకృష్ణకు ఇలాంటి అరుదైన గౌరవం లభిస్తుందని తెలియడంతో నందమూరి అభిమానులు ఎంతో సంతోషం వ్యక్తం చేస్తున్నారు. ఈ క్రమంలోనే తమ అభిమాన నటుడికి శుభాకాంక్షలు తెలియజేస్తున్నారు.

ఇక బాలకృష్ణ సినిమాల విషయానికి వస్తే ప్రస్తుతం బాలకృష్ణ గోపీచంద్ మలినేని దర్శకత్వంలో తెరకెక్కుతున్న NBK 107 సినిమా షూటింగ్ తో బిజీగా ఉన్నారు. ఈ సినిమా దసరా కానుకగా విడుదల చేయాలని ఆలోచనలో చిత్ర బృందం ఉన్నారు. ఇక ఈ సినిమా అనంతరం బాలకృష్ణ అనిల్ రావిపూడితో సినిమా చేయనున్నట్లు ప్రకటించిన విషయం మనకు తెలిసిందే.