వైరల్ అవుతున్న బాలయ్య కొత్త లుక్ ..!

నందమూరి బాలకృష్ణ ఈ ఏడాది ‘ఎన్టీఆర్ కథానాయకుడు’ ‘ఎన్టీఆర్ మహానాయకుడు’ వంటి చిత్రాలతో పెద్ద డిజాస్టర్లు అందుకున్నాడు. తన తండ్రి నందమూరి తారక రామారావు జీవిత చరిత్ర కాబట్టి ఎంతో ప్రతిష్టాత్మకంగా ఈ ప్రాజెక్ట్ ను రూపొందించాడు బాలయ్య. అయినప్పటికీ ఈ చిత్రం భారీ నష్టాల్ని మిగల్చడమే కాకుండా.. చాలా విమర్శలు పడ్డాయి. ఇవి బాలయ్యకు 103, 104 చిత్రాలు. ఇక తన 105 వ ప్రాజెక్ట్ ను కె.ఎస్.రవికుమార్ డైరెక్షన్లో చేస్తున్నాడు. మొన్నటి వరకూ మలేసియా షెడ్యూల్ ముగించుకొచ్చిన చిత్ర యూనిట్ తాజా షెడ్యూల్ ను రామోజీ ఫిలిం సిటీలో తెరకెక్కిస్తోంది.

ఈ షెడ్యూల్ లో బాలయ్య పై యాక్షన్ సీన్లు అలాగే కొన్ని కీలక సన్నివేశాలు చిత్రీకరిస్తున్నారు. ఈ చిత్రానికి సంబంధించి బాలయ్య లుక్ ను ఇప్పటికే విడుదల చేసారు చిత్ర యూనిట్ సభ్యులు. టాలీవుడ్ ఐరన్ మ్యాన్ అంటూ ఆ లుక్ పై సెటైర్లు కూడా పడ్డాయి. ఇదిలా ఉండగా తాజా షూటింగ్ కు సంబంధించి… సెట్స్ లోకి బాలయ్య ఫోటో ఒకటి బయటకొచ్చింది. వెస్ట్ కోట్ ధరించిన బాలయ్య ఈ లుక్ లో చాలా క్లాస్ లుక్ లో కనిపిస్తున్నాడు. ఇక దర్శకుడు రవికుమార్ బాలయ్యకు ఓ సన్నివేశాన్ని వివరిస్తున్నట్టు ఈ ఫోటోలో స్పష్టమవుతుంది. 2020 సంక్రాంతి కానుకగా ఈ చిత్రాన్ని విడుదల చేయాలని నిర్మాత సి కళ్యాణ్ ప్లాన్ చేస్తున్నాడు. ఇక బాల్లయ్య సరసన సోనాల్ చౌహాన్ , వేదిక హీరోయిన్లుగా నటిస్తున్నారు.