నిజ జీవిత కథల్ని సినిమాలుగా తీయమంటే బాలీవుడ్‌ ఎప్పుడూ ముందుంటుంది. కరోనా – లాక్‌డౌన్‌ తర్వాతి పరిస్థితుల నేపథ్యంలో కాస్త స్లో అయ్యింది కానీ… ఈ రెండేళ్ల కాలంలో ఇంకెన్ని జీవిత కథలు వచ్చేవో. ఆ విషయం పక్కన పెడితే.. ఇప్పుడు మళ్లీ బాలీవుడ్‌ విజయాలతో కళకళాడుతోంది. ఈ క్రమంలోనే జీవిత కథలు, నిజ జీవిత సంఘటనల నేపథ్య చిత్రాలు పెరుగుతున్నాయి. అలా ‘నిప్పురవ్వ’ సినిమా బాలీవుడ్‌లోకి వెళ్తోంది. ఏంటీ బాలకృష్ణ ‘నిప్పురవ్వ’నా అంటారా? అవును అయితే అందులోని కీలక అంశం మాత్రమే.
‘నిప్పు రవ్వ’ (Nippu Ravva) సినిమా ఇప్పటి తరం సినీ గోయర్స్‌కు పెద్దగా తెలియకపోవచ్చు కానీ.. ఒకప్పటి ఫేమస్‌ డిజాస్టర్‌ అది. బాలయ్య కెరీర్‌లో భారీ అంచనాలతో వచ్చి దారుణ పరాజయం పాలైంది. అయితే ఆ సినిమాలో ఓ సీన్‌ మాత్రం హీరోయిక్‌గా, అదిరిపోతుంది. అదే బొగ్గు గనిలో చిక్కుకున్న కార్మికులను రక్షించే సన్నివేశం. ఇప్పుడు ఈ సన్నివేశం గురించి ఎందుకు చర్చ జరుగుతోంది అంటే.. ఆ సన్నివేశం ఓ నిజ జీవిత ఘటనను స్ఫూర్తిగా తీసుకొని తీశారు కాబట్టి.
ఆ నిజ జీవిత సంఘటలను ఇప్పుడు సినిమాగా తీశారు. అంతేకాదు ఆ సినిమా విడుదలకు కూడా సిద్ధమైంది. ఇటీవల ‘ఓఎంజీ 2’తో మంచి విజయం అందుకున్న అక్షయ్‌ కుమార్‌ ఈ సినిమా చేశారు. టిను సురేష్‌ దేశాయ్‌ దర్శకత్వంలో ‘మిషన్‌ రాణిగంజ్‌’ పేరుతో ఈ సినిమా రూపొందింది. బొగ్గు గనిలో రెస్క్యూ ఆపరేషన్‌ ఆధారంగా ఈ సినిమాను తెరకెక్కించారు. ఈ సినిమా ఫస్ట్‌ లుక్‌ను చిత్రబృందం విడుదల చేసింది. 1989లో ‘రాణిగంజ్‌’ బొగ్గు గనుల్లో మైనింగ్‌ వర్క్‌ జరుగుతుండగా, ఒక్కసారిగా లోపలకు నీళ్లు వచ్చేశాయి.
మైనింగ్‌ ఇంజినీర్‌ అయిన జస్వంత్‌సింగ్‌ గిల్‌ (అక్షయ్‌ కుమార్‌), పోలీస్‌ ఇన్‌స్పెక్టర్‌ అమర్‌ జోషి… తమ ప్రాణాలను పణంగా పెట్టి, కార్మికులను కాపాడిన విధానాన్ని ఈ సినిమాలో చూపించబోతున్నారు. ‘రాణిగంజ్‌’ బొగ్గు గని ప్రమాద సమయంలో 220 మంది కార్మికులు రాత్రి విధుల్లో ఉన్నారు. ప్రమాద వార్త తెలియగానే 149 మంది బయటకు రాగా, మరో 64 మందిని రెస్క్యూ సిబ్బంది కాపాడారు. ఈ ఘటనలో ఆరుగురు చనిపోయారు. ఒక వ్యక్తి దాదాపు 36 గంటల తర్వాత ఈదుకుంటూ బయటకు రావడం గమనార్హం.
మంది పార్టిసిపెంట్స్ తో దుమ్ము లేచిపోయిన బిగ్ బాస్ సీజన్ 7 స్టేజ్..!
సీజన్ – 7 లో 5 బ్లండర్ మిస్టేక్స్ ఇవే..!
‘మిస్ శెట్టి మిస్టర్ పోలిశెట్టి’ తో పాటు ఈ వారం విడుదల కాబోతున్న 20 సినిమాలు/సిరీస్ ల లిస్ట్..!
Home