నిన్న అరవయ్యవ వసంతంలోకి అడుగిడిన బాలయ్య షష్టిపూర్తి జరుపుకున్నారు. కుటుంబ సభ్యులతో పాటు, బసవసతారకం క్యాన్సర్ హాస్పిటల్ సిబ్బంది, రోగుల మధ్య ఆయన పుట్టిన రోజు వేడుక జరుపుకున్నారు. ఆయన అభిమాన జనసందోహం మధ్య ఈ వేడుక జరుపుకోవాలని భావించినా కరోనా వైరస్ కారణంగా కుదరలేదు. ఐతే బాలయ్య తన అభిమానులను భౌతికంగా కలవకపోయినా, సోషల్ మీడియాలో వారితో ముచ్చటించారు. తన వ్యక్తిగత, మరియు సినిమాలకు సంబందించిన అనేక విషయాలు ఆయన పంచుకోవడం జరిగింది.
ఐతే బాలయ్య బోయపాటి సినిమా గురించి అడుగగా ఆయన పలు ఆసక్తికర విషయాలు పంచుకోవడంతో పాటు, సినిమా విజయంపై పూర్తి విశ్వాసం వ్యక్తం చేశారు. సినిమా అధ్బుతంగా వస్తుందన్న బాలకృష్ణ, మూవీ బంపర్ హిట్ సాధించడం ఖాయం అని చెప్పారు. ఇక బాలయ్య మార్కు డైలాగులు, బోయపాటి రేంజ్ యాక్షన్ సన్నివేశాలు ఈ చిత్రంలో పతాక స్థాయిలో ఉంటాయట. సరైన విజయం లేక అల్లాడుతున్న బాలయ్య ఫ్యాన్స్ కి ఈ మూవీ ఆ దాహం తీర్చుతుంది అని బాలయ్య చెప్పడం విశేషం.
బాలయ్య వ్యాఖ్యలతో నందమూరి ఫాన్స్ లో ఉత్సాహం రెట్టింపు అయ్యింది. సినిమా విడుదల ఎప్పుడు అవుతుందా అనే ఆసక్తి వారిలో పెరిగిపోయింది. బాలయ్య సైతం ఈ చిత్రాన్ని చాలా త్వరగా పూర్తి చేస్తాం అని ఫ్యాన్స్ కి హామీ ఇచ్చారు. ఈ చిత్రాన్ని మిర్యాల రవీంద్రా రెడ్డి నిర్మిస్తుండగా, థమన్ సంగీతం అందిస్తున్నారు. షూటింగ్స్ సవ్యంగా సాగితే మరో ఆరు నెలల్లో ఈ మూవీ విడుదల కానుంది.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
