Balayya Babu: ‘అఖండ’ సీక్వెల్‌ ఆలోచన.. పార్టీ కోసం వాటితో నింపేస్తారట!

బాలకృష్ణ కెరీర్‌లో ది బెస్ట్‌ అనుకునే సినిమాల లిస్ట్‌ రాసుకుంటే అందులో ‘అఖండ’ కచ్చితంగా ఉంటుంది. బాలకృష్ణ – బోయపాటి శ్రీను కాంబినేషన్‌లో రూపొందిన ఈ సినిమా బాక్సాఫీసు దగ్గర భారీ స్థాయిలో విజయం సాధించింది. కరోనా పరిస్థితుల తర్వాత వచ్చిన ఈ సినిమాకు భారీ వసూళ్లు వచ్చాయి. అంతేకాదు పొలిటికల్‌గా మైలేజీ కూడా వచ్చింది. ఆంధ్రప్రదేశ్‌లో టీడీపీకి లాభం చేకూర్చే స్టఫ్‌ కూడా సినిమాలో ఉంది. డైలాగ్‌లతో పార్టీకి బూస్టింగ్‌ ఇచ్చేలా ఉంటుంది అందులో కంటెంట్‌.

ఇప్పుడు ఇదంతా ఎందుకు అంటున్నారా? ఇప్పుడు అదే పని మరోసారి చేద్దాం అనుకుంటున్నారట బాలకృష్ణ – బోయపాటి. అంటే ‘అఖండ 2’ కథను వేగంగా పూర్తి చేయాలని బోయపాటికి బాలయ్య నుండి సూచనలు వెళ్లాయి అని టాక్‌. అనిల్‌ రావిపూడి సినిమా అయిపోగానే వీలైనంత త్వరగా బోయపాటి సినిమా షురూ చేస్తారు అని అంటున్నారు. ఈ మేరకు బోయపాటి టీమ్‌ పనులు మొదలుపెట్టారు అని సమాచారం. పొలిటికల్‌ స్టఫ్‌ గట్టిగా కూరి.. మాంచి మాస్‌ సినిమా ఉండేలా చూస్తున్నారట.

(Balayya Babu) నందమూరి బాలకృష్ణ, బోయపాటి శ్రీను కాంబినేషన్‌లో వచ్చిన మూడు సినిమాలు బాక్సాఫీస్ వద్ద విజయాలు సాధించాయి. ‘సింహ’, ‘లెజెండ్‌’ అంటూ రెండు భారీ విజయాలు అందుకున్నాక.. డిసెంబర్ 2021లో ‘అఖండ’గా మూడోసారి వచ్చారు. అయితే ఈ సినిమాకు సీక్వెల్‌ ఉంటుందని చాలా రోజుల నుండి వార్తలొస్తున్నాయి. ఇప్పుడు ఆ సినిమా వచ్చే డేట్‌ ముందుకు తీసుకొచ్చారు అంటున్నారు. అంటే పనులు వేగవంతం చేశారు అంటున్నారు.

అయితే, అందులోని పాత్రల్నే కంటిన్యూ చేస్తారా? లేక కొత్త పాత్రలతో అదే పేరును వాడుకుంటూ సినిమా చేస్తారా అనేది చూడాలి. అయితే జూన్ 10, 2023న బాలయ్య పుట్టినరోజు సందర్భంగా ‘అఖండ 2’ సినిమాను అధికారికంగా ప్రకటిస్తారని టాక్‌. ఆంధ్రప్రదేశ్ ముఖ్యమంత్రి వైయస్ జగన్‌ మోహన్‌ రెడ్డిని, ఏపీలోని రాజకీయ పరిస్థితుల్ని, టీడీపీని ప్రస్తావిస్తూ సినిమాలో బలమైన రాజకీయ అంశాలు ఉండేలా చూసుకుంటున్నారని టాక్‌.

రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!

ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!